មកស្គាល់អតីតមេដឹកនាំស្រី ៤រូបនៅអាស៊ាន ក្រោយសង្គ្រាមលោករលត់

2017-08-13 03:41:57
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតត្រឹមក្រោយសង្គ្រាមលោកលើកទីពីរ ពោលគឺចាប់ពីឆ្នាំ១៩៤៥មក មានស្ត្រីជើងខ្លាំង ៤រូបក្នុងតំបន់អាស៊ាន ដែលធ្លាប់កាន់តំណែងជាមេដឹកនាំ(ប្រធានាធិបតី ឬនាយករដ្ឋមន្ត្រី) នៅក្នុងប្រទេសចំនួនបី គឺឥណ្ឌូណេស៊ី ថៃ និងហ្វីលីពីន។

១. លោកស្រី Megawati Sukarnoputri (អតីតប្រធានាធិបតីឥណ្ឌូណេស៊ី ពីឆ្នាំ២០០១-២០០៤)

លោកស្រី Megawati Sukarnoputri ជាប្រធានាធិបតីទី៥ និងជាមេដឹកនាំស្រីម្នាក់គត់របស់ប្រទេសឥណ្ឌូណេស៊ី ក្រោយសង្គ្រាមលោកលើកទី២។ មេដឹកនាំវ័យ ៧០ឆ្នាំរូបនេះ ជាកូនស្រីបងគេរបស់លោក Sukarno ដែលជាប្រធានាធិបតីទីមួយរបស់ប្រទេសឥណ្ឌូណេស៊ី។ លោកស្រី Megawati ជាប់ឆ្នោតឡើងកាន់តំណែងចាប់ពីឆ្នាំ ២០០១ ដល់ឆ្នាំ២០០៤ ហើយក្រោយៗមកទៀតលោកស្រីបានឈរឈ្មោះដែរតែបរាជ័យ។

២. លោកស្រី Yingluck Shinawatra (អតីតនាយករដ្ឋមន្ត្រីថៃ ពីឆ្នាំ២០១១-២០១៤)

លោកស្រី Yingluck Shinawatra គឺជានាយករដ្ឋមន្ត្រីស្រីទីមួយរបស់ប្រទេសថៃ ដែលឡើងកាន់តំណែងកាលពីខែសីហា ឆ្នាំ២០១១ រហូតដល់ខែឧសភា ឆ្នាំ២០១៤។ ដឹកនាំប្រទេសបានជិត ៣ឆ្នាំ សមាជិកគណបក្ស Pheu Thai វ័យ៥០ឆ្នាំរូបនេះ ត្រូវតុលាការធម្មនុញ្ញសម្រេចដកចេញពីតំណែង បន្ទាប់ពីរកឃើញថាលោកស្រីប្រើប្រាស់អំណាចដោយបំពាន។

៣. លោកស្រី Corazon Aquino (អតីតប្រធានាធិបតីហ្វីលីពីន ពីឆ្នាំ១៩៨៦-១៩៩២)

លោកស្រី Corazon Aquino គឺជាប្រធានាធិបតីទី១១ របស់ប្រទេសហ្វីលីពីន ដែលឡើងកាន់តំណែងកាលពីថ្ងៃទី២៥ ខែកុម្ភៈ ឆ្នាំ១៩៨៦ រហូតដល់ថ្ងៃទី៣០ ខែមិថុនា ឆ្នាំ១៩៩២។ លោកស្រីបានស្លាប់ក្នុងឆ្នាំ២០០៩ នៅអាយុ ៧៦ឆ្នាំ។ លោកស្រី Aquino មានកូនប្រុសឈ្មោះ Benigno Aquino III ដែលជាប្រធានាធិបតីទី១៥ របស់ប្រទេសហ្វីលីពីនពីឆ្នាំ២០១០-២០១៦។

៤. លោកស្រី Gloria Macapagal-Arroyo (អតីតប្រធានាធិបតីហ្វីលីពីន ពីឆ្នាំ២០០១-២០១០)

លោកស្រី Gloria Macapagal-Arroyo គឺជាប្រធានាធិបតីទី១៤ របស់ប្រទេសហ្វីលីពីន ដែលឡើងកាន់តំណែងកាលពីថ្ងៃទី២០ ខែមករា ឆ្នាំ២០០១ រហូតដល់ថ្ងៃទី៣០ ខែមិថុនា ឆ្នាំ២០១០។ អតីតមេដឹកនាំវ័យ ៧០ឆ្នាំរូបនេះ គឺជាកូនស្រីរបស់ប្រធានាធិបតីទី៩ Diosdado Macapaga៕

ចុចអានអត្ថបទ៖

ប្រភព៖ Thought Co ប្រែសម្រួល៖ គង់ វិសាល