មិនចង់ iPhone ឆ្លងមេរោគ កុំធ្វើរឿងនេះឲ្យសោះ

2017-08-14 03:40:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈដែលពពួកទូរសព្ទ Android បំពាក់នូវប្រព័ន្ធប្រតិបត្តិការបើកចំហ (Open-Source) ងាយឆ្លងមេរោគបើគ្មានកម្មវិធីការពារ មានប្រិយមិត្តសួរ Sabay ថា ចុះ iPhone អាចមេរោគងាយឆ្លងចូលវាយប្រហារដូចពពួកទូរសព្ទ Android ឬទេ?

ចម្លើយគឺផ្អែកទៅលើការប្រើប្រាស់របស់អ្នកផ្ទាល់។

ជាធម្មតាបើយើងប្រើ iPhone/iPad/iPod Touch មិន Jailbreak គឺគ្មានឡើយពាក្យថា មេរោគឆ្លងចូលមកកាន់ទូរសព្ទ ទោះបីអ្នកធ្វើការស្រាវជ្រាវលើប្រព័ន្ធអ៊ីនធឺណិតច្រើនកម្រិតណាក៏ដោយ។ ក្រុមហ៊ុនផលិតកម្មវិធីកម្ចាត់មេរោគធំៗក្នុងលោករួមមាន McAfee, Symantec, Trend Micro មានកម្មវិធីការពារប្រព័ន្ធសុវត្ថិភាពដាក់ឲ្យទាញយកលើ App Store ក៏ប៉ុន្តែបណ្ដាកម្មវិធីទាំងអស់នោះ មិនបានបញ្ចូលមុខងារកម្ចាត់មេរោគមកជាមួយឡើយ។ ប្ដូរទៅជាមានមុខងារស្វែងរកទូរសព្ទបាត់, ការ Back up ឯកសារ, ការពារនិងទប់ស្កាត់ប្រព័ន្ធឯកជនផ្សេងៗលើកម្មវិធីបើកអ៊ីនធឺណិតវិញ។

ផ្ទុយពីនោះបើអ្នកបាន Jailbreak ឧបករណ៍ iOS របស់អ្នក នោះប្រព័ន្ធសុវត្ថិភាពក្នុងការទប់ស្កាត់មេរោគជ្រៀតចូល អាចនឹងលែងដំណើរការទៀតហើយ។ នៅពេល Jailbreak មានន័យថា យើងបើកឲ្យប្រព័ន្ធ (System) iOS នៃឧបករណ៍យើង បើកចំហ ដោយយើងមានសិទ្ធដំឡើងមុខងារពិសេសជាច្រើន លើសពីការកំណត់របស់ Apple ប៉ុន្តែហានិភ័យនៃការគាំងម៉ាស៊ីនឬដំណើរការយឺត ងាយនឹងជួបបំផុត នោះហើយគឺជាមេរោគដែលជ្រៀតចូលមកក្នុង iPhone ដោយមិនដឹងខ្លួន។

ប្រភព៖ lifewire ប្រែសម្រួល៖ កៅ រក្សា