កាមេរ៉ាភ្លោះ Galaxy Note 8 អាចថតរូបព្រាលខាងក្រោយ និង Zoom អត់បែក

2017-08-15 01:43:58
ចំនួនមតិ 0 | ចំនួនចែករំលែក 0

ចន្លោះមិនឃើញ

របាយការណ៍ថ្មីមួយចេញពីប្រទេសកូរ៉េខាងត្បូងបានឲ្យដឹងកាន់តែលម្អិតពីសមត្ថភាពកាមេរ៉ាភ្លោះដែលបំពាក់លើ Galaxy Note 8។

ប្រព័ន្ធកាមេរ៉ាភ្លោះរបស់ Note 8 នឹងមានកាមេរ៉ាមេមួយមានកម្រិត ១២ MP មានមុខងារ Dual-Pixel Auto-Focus និងកាមេរ៉ាមួយទៀតមានឡេនជាប្រភេទ Telephoto កម្រិត ១៣ MP ដែលអាចធ្វើ Zoom បានថតរូបបានពីរដងដោយមិនបាត់បង់គុណភាពរូបភាពឡើយ។ កម្រិត Zoom នេះខុសគ្នាពីរបាយការណ៍ចេញផ្សាយកន្លងទៅ ដែលថាអាច Zoom បានបីដង។

ប្រព័ន្ធកាមេរ៉ាភ្លោះរបស់ Samsung នេះដែរក៏នឹងអាចប្រើសម្រាប់ផលិតរូបភាពព្រាលផ្នែកខាងក្រោយ ច្បាស់ផ្នែកខាងមុខបានដូចជាកាមេរ៉ាភ្លោះលើ iPhone 7 Plus ដែរ ប៉ុន្តែប្រព័ន្ធកាមេរ៉ាភ្លោះនេះក៏ជួយដល់ការថតរូបក្នុងទីងងឹតឲ្យកាន់តែប្រសើរជាងមុនដែរ។

បញ្ជាក់ដែរថានៅថ្ងៃទី ២៣ ខែសីហាខាងមុខនេះ Samsung នឹងប្រកាសចេញ Galaxy Note 8 ជាផ្លូវការ ពេលនោះនឹងដឹងកាន់តែលម្អិតថែមទៀតពីលក្ខណៈសម្បត្តិរបស់វា៕

ចុចអាន៖

ប្រភព៖ GSMarena ប្រែសម្រួល៖ សុខហេង