El Clásico ចប់ Ronaldo និង Messi បោះសម្ដីឡូយដូចគ្នា

2017-08-15 03:15:24
ចំនួនមតិ 0 | ចំនួនចែករំលែក 0

ចន្លោះមិនឃើញ

Cristiano Ronaldo បានត្រលប់មកហ្វឹកហាត់ទាំងទឹកមុខរីករាយ ទោះបីត្រូវគេពិន័យ៥ប្រកួត ចំពោះកាយវិការមិនសមរម្យដាក់អាជ្ញាកណ្ដាល កាលពីប្រកួត El Clásico ក៏ដោយ។

ក្រោយប្រកួតជើងទីមួយចប់ Ronaldo និង Messi សុទ្ធតែបានបង្ហោះរូបដូចគ្នាលើបណ្ដាញសង្គម Instagram ដោយកីឡាករព័រទុយហ្គាល់បង្ហោះរូបជាមួយពាក្យផ្លែផ្កាដាក់អ្នកគាំទ្រ Barcelona ថាខ្លួនជា "ក្រុមឈ្នះ" ខណៈកីឡាករអាហ្សង់ទីនថា ការចាញ់របស់ក្រុមខ្លួន ជារឿងឆ្កួតណាស់។

ក្នុង Instagram កីឡាករ Ronaldo បានបង្ហោះរូបខ្លួនឯងជាមួយមិត្តរួមក្រុមដទៃដូចជា Lucas Vazquez, Dani Ceballos, Nacho និង Achraf Hakimi ពេលកំពុងហាត់និងសរសេរពាក្យភ្ជាប់ថា៖ “ការហ្វឹកហាត់ដ៏អស្ចារ្យនៅព្រឹកនេះ!!! ក្រុមឈ្នះ"។ មិនខុសម៉ោងគ្នាប៉ុន្មាន Messi ក៏បានបង្ហោះរូបខ្លួនឯងមួយសន្លឹកដែរ និងសរសេរភ្ជាប់ថា៖ "ថ្ងៃដ៏ឆ្កួត ប៉ុន្តែអ្នកត្រូវតែភ្ញាក់ឡើងនិងបន្តទៅមុខ។ នេះទើបតែជាការចាប់ផ្ដើមប៉ុណ្ណោះ។

ក្រោយការប្រកួតរវាង Barcelona និង Real Madrid មានការពិភាក្សាច្រើនលើបណ្ដាញសង្គម ជាពិសេសការអបអរគ្រាប់បាល់របស់ Ronaldo ដោយបានលើកអាវឡើងលើឌឺអ្នកគាំទ្រ Barca។ ស្ទីលបែបនេះ អ្នកគាំទ្រ Barca ចោទ CR7 ថាចម្លងតាមកីឡាករឆ្នើមរបស់ពួកគេ Messi ឯ អ្នកគាំទ្រ Real ថា Messi ធ្វើត្រាប់តាម Marcelo ទៅវិញ៕