ចេញរូបភាពដំបូងរបស់ Huawei Mate 10 រាងបះសក់

2017-08-16 02:16:38
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបភាព Render ដំបូងបំផុតរបស់ Huawei Mate 10 ទំនងជាបានបែកធ្លាយហើយ ដោយមានរចនារូបរាងតាមទំនោរដែលពេញនិយមបច្ចុប្បន្ននោះគឺផ្ទៃអេក្រង់ដែលមានស៊ុមស្ដើង។

នៅខាងមុខឃើញមានផ្ទៃអេក្រង់ដ៏ស្រស់ស្អាតដែលរំពឹងថាមានទំហំ ៦,១ អ៊ីញកម្រិត Quad HD ចំណែកផ្នែកខាងក្រោយវិញឃើញមានកាមេរ៉ាភ្លោះផលិតដោយ Leica ដែលមានភ្លើង Flash ចំនួនពីរគ្រាប់។ ទ្រនាប់ស្កេនខ្ចៅដៃស្ថិតនៅផ្នែកខាងក្រោមនៃបង្គំកាមេរ៉ាភ្លោះដោយសារតែនៅខាងមុខមិនមានប៊ូតុង Home នោះទេ។

គួរឲ្យស្ដាយនោះគឺផ្នែកខាងលើរបស់ Mate 10 មិនត្រូវបានបង្ហាញនោះទេ ហេតុនេះគេមិនច្បាស់ថាស្មាតហ្វូននេះនឹងមានរន្ធដោតកាស 3.5 mm ឬយ៉ាងណា។ ប៉ុន្តែនៅផ្នែកខាងក្រោមគេឃើញមានរន្ធ USB Type-C អមដោយរន្ធបំពងសំឡេងចំនួនពីរ។

ទាក់ទងនឹងលក្ខណៈសម្បត្តិរបស់ Huawei Mate 10 វិញរំពឹងថានឹងប្រើបន្ទះឈីប Kirin 970, មាន RAM ទំហំ ៦ GB និងមានអង្គផ្ទុកទិន្នន័យទំហំ ៦៤ GB អាចបន្ថែមបានតាមរយៈមេមូរីកាត។ ចំពោះថ្មវិញអាចមានទំហំលើសពី ៤០០០ mAh ហើយដំណើរការដោយប្រព័ន្ធប្រតិបត្តិការ Android Nougat។ ចចាមអារ៉ាមថាស្មានហ្វូនស៊េរីថ្មីនេះអាចនឹងតម្លៃដល់ខ្ទង់ ១ ពាន់ដុល្លារឯណោះ៕

ចុចអាន៖

ប្រភព៖ PhoneArena ប្រែសម្រួល៖ សុខហេង