កម្ពុជាប្រមូលបានផលិតផលក្លែងក្លាយជិត ២០០តោន ក្នុងឆ្នាំ ២០១៧

2017-08-16 05:09:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ឯកឧត្តម មៀច សុផាន់ណា ប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ

ប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយឲ្យដឹងថានៅឆ្នាំ ២០១៧នេះផលិតផលក្លែងក្លាយជិត២០០តោនត្រូវបានរឹបអូស និងកំពុងរង់ចាំការសម្រេចរបស់តុលាការថានឹងត្រូវធ្វើបែបណាចំពោះផលិតផលទាំងនេះ។

ថ្លែងក្នុងគ្គបណ្ដុះបណ្តាលស្ដីពីការស្រាវជ្រាវ និងស៊ើបអង្កេតពាក់ព័ន្ធនឹងការប្រយុទ្ធប្រឆាំងផលិតផលក្លែងក្លាយកាលពីព្រឹកមិញ ឯកឧត្តម មៀច សុផាន់ណា អនុរដ្ឋលេខាធិការក្រសួងមហាផ្ទៃ និងជាប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយថ្លែងថា ផលិតផលក្លែងក្លាយដែលប្រមូលបាននោះមានដូចជាគ្រឿងសំអាង ផលិតផលថែរក្សាសម្រស់ និងថ្នាំពេទ្យជាដើម។

ឯកឧត្តម បន្តថា ផលិតផលទាំងនោះបានហូរចូលមកកម្ពុជាជាច្រើន និងត្រូវបង្រ្កាបជាបន្តបន្ទាប់។ ឯកឧត្តម ថ្លែងថា "បើគិតទល់ពេលនេះ គឺថាផលិតផលដែលស្ថិតនៅក្រោមការផ្អាក មិនឲ្យចែកចាយ មិនលក់ក្នុងទីផ្សារមានជិត ២០០តោនហើយ...ដែលកំពុងរង់ចាំសេចក្ដីសម្រេចពីតុលាការថា ត្រូវបំផ្លាញចោល ឬធ្វើយ៉ាងណានោះ?” ។

គណៈកម្មាធិការប្រយុទ្ធប្រឆាំងផលិតផលក្លែងក្លាយនឹងរៀបចំបង្កើតក្រុមអ្នកស៊ើបអង្កេត និងស្រាវជ្រាវតាមចំណុចចាប់ផ្ដើមចំនួន៣ ដូចជា ទី១. ក្រុមអ្នកប្រមូលព័ត៌មាន ដោយក្រុមនេះនឹងចេញទៅប្រមូលព័ត៌មានតាមរោងចក្រ ក្រុមហ៊ុន គ្រឹះស្ថានផលិតផលចែកចាយនានា ប្រសិនបើមានព័ត៌មានថាមានផលិតផលក្លែងក្លាយក្រុមនេះ នឹងធ្វើសកម្មភាពភ្លាមៗ។ ទី២. ក្រុមអ្នកទទួលបណ្ដឹងពីក្រុមហ៊ុន ពោលគឺប្រសិនបើក្រុមហ៊ុនបានដឹងថាមានគេលួចចម្លងផលិតផលរបស់ខ្លួនអាចមកប្ដឹង គណៈកម្មាធិការឲ្យធ្វើសកម្មភាពស៊ើបអង្កេតភ្លាមៗ និងទី៣. ក្រុមអ្នកទទួលបណ្ដឹងពីសាធារណៈជន ប្រសិនប្រជាពលរដ្ឋបានដឹងថាផលិតផលទាំងនោះក្លែងក្លាយ ឬក៏បានប្រើប្រាស់ហើយមានប៉ះពាល់ដល់សុខភាព អាចមកប្ដឹងដើម្បីចាត់វិធានការភ្លាមៗផងដែរ។

ឯកឧត្តម មៀច សុផាន់ណា បានគូសបញ្ជាក់ថា ក្រុមទាំងបីខាងលើ នឹងធ្វើសកម្មភាពតាមដានយ៉ាងសកម្មទៅលើក្រុមចែកចាយផលិតផលក្លែងក្លាយ រហូតដល់បង្រ្កាបចាប់ខ្លួន និងកសាងសំណុំរឿងបញ្ជូនទៅតុលាការដើម្បីផ្តន្ទាទោសអ្នកប្រព្រឹត្តបទល្មើសនោះ៕

អត្ថបទ៖ ស៊ិន សាវ៉េត

ពាក្យទាក់ទង

សេដ្ឋកិច្ចក្នុងស្រុក

អត្ថបទពេញនិយម

LDA White ចេញ បទ "អូសវ៉ាលី-OS VALI" កំពុងល្បីខ្លាំង ស្ដាប់ហើយញ័រជើង

មកដឹងពីអាហារផ្ដល់សុខភាពរាងកាយ ការពារពីការឆ្លងវីរុសផ្សេងៗ

ដឹងទេ! តើកម្ពុជា មានក្រុង ស្រុក ខណ្ឌ ចំនួនប៉ុន្មាននៅទូទាំងប្រទេស?

កម្ពុជា អាចមានភ្លៀងធ្លាក់ រយៈពេល៣ថ្ងៃ

Jude Bellingham ត្រូវបានជាប់ឈ្មោះជាកីឡាករល្អបំផុតប្រចាំឆ្នាំនៅ La Liga

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

អត្ថបទថ្មី

ការប្រកួតមិត្តភាពវ័យចាស់កម្ពុជា នឹងវ័យចាស់ សិង្ហបុរី ជាការតេស្តសមត្ថភាពត្រៀមជួបវ័យចាស់ថៃ និងវៀតណាម

រំភើប! ក្រុមចម្រៀងដ៏ល្បី La Cima Cartel ប្រកាសធ្វើ Solo Concert មានសិល្បករជាតិ-អន្តរជាតិចូលរួមជាច្រើន

បញ្ជុះតម្លៃរហូតដល់ ៥០០០$ ក្នុងពិធីសម្ពោធដាក់លក់ជាផ្លូវការនូវ ម៉ូដែល JETOUR TRAVELLER T2 ២០២៥

LDA White ចេញ បទ "អូសវ៉ាលី-OS VALI" កំពុងល្បីខ្លាំង ស្ដាប់ហើយញ័រជើង

ព្រឹត្តិការណ៍ ប្រចាំឆ្នាំ “តោះ! ដើរឡើងភ្នំបូកគោ ដើម្បីសុខភាពកុមារ” ដើម្បីរៃអង្គាសថវិកា ឧបត្ថម្ភដល់ មន្ទីរពេទ្យកុមារអង្គរខេត្តសៀមរាប

Jude Bellingham ត្រូវបានជាប់ឈ្មោះជាកីឡាករល្អបំផុតប្រចាំឆ្នាំនៅ La Liga