បាត់ចិញ្ចៀនភ្ជាប់ពាក្យ ជាង១០ឆ្នាំ ពេលរកឃើញវិញ ភ្ញាក់ផ្អើលខ្លាំង ព្រោះតែ...

2017-08-17 02:32:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីចំណាស់ម្នាក់ដែលធ្លាប់គិតថា នឹងលែងបានឃើញចិញ្ចៀនភ្ជាប់ពាក្យដ៏ស្រស់ស្អាតរបស់ខ្លួនសារជាថ្មីម្ដងទៀត និងបានទិញកូនចិញ្ចៀនតូចមួយ ដើម្បីមកជំនួសនោះ មានការភ្ញាក់ផ្អើលយ៉ាងខ្លាំង បន្ទាប់ពីកូនប្រសាស្រីរបស់ខ្លួន បានរកឃើញចិញ្ចៀននោះ ជាប់ជាមួយផ្លែការ៉ុតយ៉ាងចម្លែកបំផុត។

ចិញ្ចៀនតូចដែលទិញមកជំនួស

នៅមុនពេលរកឃើញចិញ្ចៀននោះ គ្រួសារខាងលើនេះ បានប្រមូលផលការ៉ុតពីកសិដ្ឋានរបស់ពួកគេ នៅក្នុងខេត្ត Alberta ប្រទេសកាណាដា ដើម្បីយកមកធ្វើអាហារពេលល្ងាច ប៉ុន្តែបែរជាប្រទះឃើញការ៉ុតមួយផ្លែ បានដុះចំប្រឡោះចិញ្ចៀន និងរុញវាចេញពីក្នុងដីឡើងមកតែម្ដង។

លោកស្រី Mary Grams និង ចិញ្ចៀនដែលបានបាត់ ហើយរកឃើញវិញ

គួរឲ្យដឹងថា លោកស្រី Mary Grams អាយុ ៨៤ ឆ្នាំ បានបាត់ចិញ្ចៀនជាទីស្រលាញ់របស់ខ្លួន កាលពីឆ្នាំ ២០០៤ ខណៈពេលដែលលោកស្រីកំពុងនៅក្នុងសួនច្បារ ហើយបានគិតថា លោកស្រីនឹងលែងបានឃើញវាទៀត។ លោកស្រី Grams បានពាក់ចិញ្ចៀននោះ តាំងពីឆ្នាំ ១៩៥១ មកម្ល៉េះ ពោលគឺរយៈពេល ១ ឆ្នាំមុនពេលលោកស្រីរៀបការជាមួយស្វាមី ឈ្មោះ Norman។

ចិញ្ចៀនដែលបានបាត់ ហើយរកឃើញវិញ

ទោះបីជាយ៉ាងណា ចិញ្ចៀនភ្ជាប់ពាក្យដ៏មានតម្លៃសម្រាប់ លោកស្រី Grams ត្រូវបានអ្នកស្រី Colleen Daley ដែលជាកូនប្រសាស្រីរកឃើញ ជាប់នៅក្នុងផ្លែការ៉ុតដ៏ធំមួយ។ លោកស្រី Grams បាននិយាយថា «ខ្ញុំនឹងពាក់វាវិញ ព្រោះវានៅតែល្មមដៃខ្ញុំ»៕

ចុចអាន៖

ប្រភព៖ telegraph ប្រែសម្រួល៖ សេង ឡុង