តើរដ្ឋមន្ត្រីក្រសួងអប់រំបានផ្ញើសារអ្វីខ្លះដល់បេក្ខជនប្រឡងបាក់ឌុបឆ្នាំនេះ?

2017-08-17 03:02:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈថ្ងៃប្រឡងបាក់ឌុបជិតចូលមកដល់ នៅថ្ងៃនេះក្រសួងអប់រំតាមរយៈទំព័រហ្វេសប៊ុកផ្លូវការរបស់ខ្លួនបានផ្សព្វផ្សាយវីដេអូឃ្លីបរបស់ឯឧត្តមរដ្ឋមន្ត្រី ហង់ ជួន ណារ៉ុន។ ក្នុងវីដេអូនោះឯឧត្តមរដ្ឋមន្ត្រីបានផ្ញើសារទៅកាន់បេក្ខជនប្រឡងទាំងអស់កុំឲ្យមានអារម្មណ៍ភ័យពេលប្រឡង ត្រូវមានជំនឿលើខ្លួនឯង និងគោរពបទបញ្ញត្តិរបស់ក្រសួង។

ឯឧត្តមថ្លែងថាៈ «សូមឲ្យប្អូនៗបេក្ខជនបេក្ខនារី ប្រឡងសញ្ញាបត្រមធ្យមសិក្សាទុតិយភូមិសូមឲ្យប្អូនៗទាំងអស់គ្នាកុំមានការភ័យខ្លាច ហើយមានជំនឿជឿជាក់លើខ្លួនឯង ប៉ុន្តែប្អូនៗត្រូវគោរពតាមបទបញ្ញតិរបស់ក្រសួងអប់រំយុវជននឹងកីឡា គោរពវិន័យ ហើយធ្វើម៉េចខិតខំប្រឹងប្រែង យកអស់នូវកម្លាំងកាយចិត្ត យកអស់នូវបញ្ញាញាណ ចំណេះដឹងរបស់ខ្លួនដើម្បីប្រឡងឲ្យទទួលបានជោគជ័យ»។

ទាក់ទននឹងបទបញ្ញត្តិនេះដែរ ឯឧត្តមរដ្ឋមន្ត្រីបានណែនាំឲ្យអនុរក្សអានបទបញ្ញតិនានាដែលមានឲ្យបានច្បាស់លាស់ដើម្បីឲ្យបេក្ខជនបានដឹងកាន់តែច្បាស់៕

អត្ថបទ៖ ទូច សុខា