ក្ដៅៗ! ទេព បូព្រឹក្ស ទិញរថយន្តថ្មីទំនើបកប់ ឯតម្លៃវិញក៏មិនធម្មតាដែរ

2017-08-17 11:59:36
ចំនួនមតិ 0 | ចំនួនចែករំលែក 0

ចន្លោះមិនឃើញ

មុននេះបន្តិចតារាចម្រៀង ទេព បូព្រឹក្ស បានប្រាប់មកកាន់ Sabay ថានាងទើបបានទិញរថយន្តថ្មី១គ្រឿងម៉ាក Toyota Land Cruiser ស៊េរីឆ្នាំ២០១០។

បូព្រឹក្ស និយាយថានាងបានទិញរថយន្តនេះប្រមាណ១សប្ដាហ៍ហើយបន្ទាប់ពីសម្រេចលក់រថយន្តចាស់របស់ខ្លួនគឺម៉ាក Toyota Tundra ចោលដោយមូលហេតុឧស្សាហ៍ខូចញឹកញាប់ពេក។

“ហ្នឹងហើយបងខ្ញុំទើបតែទិញតម្លៃវា៧ម៉ឺនដុល្លារអាមេរិក ខ្ញុំប៉ងទិញវាច្រើនឆ្នាំដែរហើយតែមិនទាន់មានលុយគ្រប់ តែពេលនេះខ្ញុំបានដូចបំណងហើយ"។ ម្ចាស់បទ "មិនជឿថាបងមិនស្រលាញ់អូនទេ" បន្ត។

ស្រីស្អាតពូកែច្នៃក្បាច់រាំខាងលើបន្ថែមថា ស្រលាញ់ជារឿងមួយហើយ តែរឿងសំខាន់មួយទៀតដែលជំរុញឲ្យនាងទិញរថយន្តប្រភេទធំៗបែបនេះនោះគឺដោយសារការងារ នាងឡើងចុះខេត្តញឹកញាប់និងដូចអ្នកគាំទ្រដឹងស្រាប់ថានាងមានក្រុមរាំផ្ទាល់ខ្លួន ដូច្នេះប្រសិនជាទិញរថយន្តប្រភេទនេះគឺជិះបានគ្នាច្រើនដែលជួយសម្រួលដល់ការងារមួយកម្រិតដែរ៕