ហេតុអ្វីរថយន្តអគ្គិសនី មិនទាន់និយមប្រើប្រាស់ច្រើន?

2017-08-18 03:11:54
ចំនួនមតិ 0 | ចំនួនចែករំលែក 0

ចន្លោះមិនឃើញ

យានយន្តអគ្គិសនី (Electric Vechicle (EV)) មានអត្ថប្រយោជន៍ជាច្រើនដោយការចំណាយតិចលើដំណើរការ ថែរក្សា និងល្អសម្រាប់បរិស្ថានជាងថាមពលឧស្ម័ន ហើយថ្មីៗនេះកំណើនស្ថានីយសាកថ្មរថយន្តអគ្គិសនីក្នុងសហរដ្ឋអាមេរិកមានការកើនឡើងដល់ទៅ ៤០ ០០០ កន្លែង។ ដោយឡែកចំនួនអ្នកប្រើប្រាស់រថយន្តអគ្គិសនីហាក់ស្ថិតក្នុងកម្រិតតិចនៅឡើយ បើធៀបនឹងរថយន្តដែលប្រើឥន្ធនៈទូទៅ ហើយមូលហេតុនៃចំនួនប្រើប្រាស់ដ៏តិចតួចនេះ គឺមកពី ៖

បញ្ហាទូទៅ

អស់ពេលជាច្រើនឆ្នាំមកហើយ ក្រុមហ៊ុនផលិតរថយន្ត និងអ្នកប្រើប្រាស់មានការជាប់គាំងនឹងបញ្ហារបស់ថ្មី និងរបស់ចាស់ (រថយន្តបច្ចុប្បន្ន និងអគ្គិសនី)។ រោងចក្របានរងចាំឲ្យអ្នកប្រើប្រាស់ងាកមកចាប់អារម្មណ៍លើបច្ចេកវិទ្យារថយន្តអគ្គិសនី ខណៈអ្នកប្រើប្រាស់រងចាំរោងចក្រចេញរថយន្តអគ្គិសនីដែលត្រូវចិត្តពួកគេ។

ស្រដៀងគ្នានេះដែរ បច្ចេកវិទ្យាបណ្ដាញស្ថានីយសាកថ្មនៅមានការស្ទាក់ស្ទើរក្នុងការទទួលការវិនិយោគលើផ្នែកនេះឲ្យបានទូលំទូលាយ និងការបណ្ដាក់ទុនមុនពេលដឹងពីផលដែលអាចចំណេញបាន។ ទន្ទឹមនឹងនេះ អ្នកប្រើប្រាស់មានការព្រួយបារម្ភខ្ពស់ អំពីស្ថានីយសាកថ្មដែលនៅមុខ ពេលថ្មសាកមិនគ្រប់គ្រាន់សម្រាប់បន្តដំណើរការទៅកាន់ស្ថានីយដែលជិតៗ។ ការសិក្សាបង្ហាញថា អ្នកប្រើប្រាស់មានការព្រួយបារម្ភហួសហេតុ។

ការវិនិយោគលើហេដ្ឋារចនាសម្ពន្ធ

បន្ថែមពីលើការបង្កើននូវចំនួនស្ថានីយសាកថ្ម ក្រុមហ៊ុនផលិតរថយន្តអគ្គិសនីក៏បានវិនិយោគក្នុងការពង្រឹងនូវបណ្ដា EV fleet របស់ពួកគេ។ នេះជាការផ្លាស់ប្ដូរដ៏សំខាន់ក្នុងការកាត់បន្ថយការព្រួយបារម្ភ ដែលបានបង្ហាញនូវកត្តាសំខាន់ក្នុងការការពារអ្នកប្រើប្រាស់ពីការបង្កើត Leap ទៅនឹងរថយន្តអគ្គិសនី។

រថយន្តអគ្គិសនីចេញឆ្នាំ ២០១៧ ប្រមាណ ៧ ម៉ូដែលរួចមកហើយដែលអាចបើកបរលើសពី ១២០ គីឡូម៉ែត្រសម្រាប់ពេលមានថាមពលពេញ ខណៈ Tesla Model S ដែលមានកម្លាំងខ្លាំងដោយរត់បាន ៥៤០ គីឡូម៉ែត្រជាមួយនឹងការសាកថ្មពេញមួយម្ដង ដែលអាចជួយកាត់បន្ថយការព្រួយបារម្ភរបស់អ្នកប្រើប្រាស់។

ការកើនឡើងយ៉ាងខ្លាំងនូវចំនួនស្ថានីយសាកថ្មជាមួយនឹងកំណើនរថយន្តដែលមានថ្មរត់បានវែងហាក់ដូចជាមានផលបន្តិចៗហើយ។ សូម្បីតែតម្លៃឧស្ម័នក៏ចុះទាប ដែលជំរុញការលក់ EV កាន់តែខ្លាំងជាងមុន។ ការលក់កើនឡើង មួយភាគបីក្នុងឆ្នាំ ២០១៦ និងចំនួនការលក់ឆ្នាំ ២០១៧ ក៏កើនឡើងខ្លាំងផងដែរ ដែលជាសញ្ញាល្អទាំងបណ្ដាញសាកថ្ម និងក្រុមហ៊ុនផលិតរថយន្តមានការពេញចិត្តជាមួយនឹងការវិនិយោគរបស់ពួកគេ។

ឧស្សាហកម្មសំខាន់ៗ

តួលេខនៃការលក់ជាវិជ្ជមានធ្វើឲ្យក្រុមហ៊ុនផលិតរថយន្តហាក់បីដូចជាមានការចាប់អារម្មណ៍កាន់តែច្រើន ដែលអាចធ្វើឲ្យរថយន្តអគ្គិសនីជារលកក្រោយសម្រាប់អនាគត។ ឧទាហរណ៍៖ Bandwagon-Ford មានភាពល្បីល្បាញ ដោយគ្រាន់តែប្រកាសថាជារថយន្តអគ្គិសនីដំបូងនឹងប្រកាសចេញនៅឆ្នាំ ២០២០។

អ្នកផលិតរថយន្តនឹងផ្ដល់នូវម៉ូដែលថ្មីៗ សម្រាប់រដូវកាលបន្ថែមផ្សេងទៀត ដែលការប៉ាន់ស្មានរបស់ពួកគេថា EV នឹងមានអានុភាព។ មួយវិញទៀត Tesla CEO Elon Musk បានប្រកាសថាក្រុមហ៊ុននឹងផលិត SUV ដំបូងនៅឆ្នាំ ២០២០ ដែលគោលដៅរបស់ក្រុមហ៊ុនគឺផលិតរថយន្ត ១ លានគ្រឿងសម្រាប់ឆ្នាំ ២០២០។ គ្រាន់តែ Volvo ប៉ុន្មានសប្ដាហ៍មុនបានប្រកាសថាត្រឹមឆ្នាំ ២០១៩ ការផលិតរបស់ពួកគេ ១០០% គឺ EV ឬ Hybrids។ ការប្រកាសទាំងនោះបង្ហាញឲ្យឃើញពីការផ្លាស់ប្ដូរមួយដ៏ល្អសម្រាប់អ្នកប្រើប្រាស់ទន្ទឹងរង់ចាំ។

ល្បឿនការផលិត

មានហេតុផលជាច្រើនក្នុងការរក្សាភាពសុទិដ្ឋិនិយមដែលអ្នកប្រើប្រាស់ទាំងនេះនឹងមានបំណងទិញ។ ដំបូង និងសំខាន់បំផុតគឺ ពេលដែលការផ្គត់ផ្គង់មានការកំណត់ មានន័យថាក្រុមហ៊ុនផលិតរថយន្តមួយចំនួនមិនអាចបំពេញតាមតម្រូវការដែលកើនឡើង។ ទាំង Chevrolet Bolt និង Toyota Prius Primewere ជាប់គាំងដោយសារការផលិតមានកំណត់ជាមួយនឹងតម្រូវការខ្ពស់ជាងការរំពឹងទុក។

Toyota Prius Primewere

រថយន្ត Tesla Model 3 អាចមានតម្លៃ ៣៥ ០០០ ដុល្លារ ដែលបានចាប់ផ្ដើមការផលិតសប្ដាហ៍នេះដែលមានកំណត់ត្រាបញ្ជាទិញរថយន្តលើសពី ៣០០ ០០០ គ្រឿង ដែលការបញ្ជាទិញថ្ងៃនេះមិនផ្ដល់ជូនរហូតដល់ដើមឆ្នាំ ២០១៩។ ហេតុផលផ្សេងទៀតសម្រាប់ភាពសុទិដ្ឋិនិយម គឺថាការយល់ច្រឡំរបស់សាធារណៈអាចកែតម្រូវយ៉ាងងាយស្រួលអំពី EV។ ការវិនិយោគរបស់ក្រុមហ៊ុនផលិតរថយន្តមានតិចតួចលើការផ្សព្វផ្សាយរថយន្តអគ្គិសនីរបស់ពួកគេដែលជាហេតុផលការយល់ច្រឡំនៅតែមាននៅឡើយ។ ទិន្នន័យជាវិជ្ជមានអំពីការកើនឡើង និងសម្បូរបែបនូវស្ថានីយសាកថ្ម ដែលរុញច្រានការផ្សព្វផ្សាយដល់រោងចក្រយ៉ាងពេញលេញ។ ជាមួយនឹងការធ្វើទីផ្សារដ៏ឆ្លាតវៃ និងសន្ទុះដ៏វិជ្ជមានប្រហែលជាធ្វើឲ្យរថយន្តអគ្គិសនីមានការពេញនិយមច្រើន៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ thenextweb ប្រែសម្រួល ៖ ប៊ុន ធឿន