ចប់ហើយ! ស្នេហា Joo Hyuk និង Sung Kyung ត្រូវចប់ក្រោមហេតុផល១

2017-08-18 06:48:48
ចំនួនមតិ 0 | ចំនួនចែករំលែក 0

ចន្លោះមិនឃើញ

មុននេះមានព័ត៌មានក្ដៅៗមួយផ្ទុះឡើងថា តារាសម្ដែង ដែលស្ថិតក្រោមដំបូលផលិតកម្ម YG តែមួយ តារាប្រុស Nam Joo Hyuk និង ស្រីស្អាត Lee Sung Kyung បានសម្រេចចិត្តបែកគ្នាហើយ។

បើតាមប្រភពជិតស្និទ្ធបំផុតក្នុងពិភពសិល្បៈបានឲ្យដឹងថា គូស្នេហ៍ទាំង២ បានចែកផ្លូវគ្នាដើរហើយ ដោយសារមមាញឹកនឹងការងាររៀងៗខ្លួនពេក ហេតុនេះទីបំផុត ពួកគេក៏សម្រេចបញ្ចប់ទំនាក់ទំនងដោយសន្តិវិធី ទុកមុខរាប់អានគ្នាទៅថ្ងៃក្រោយវិញ។

ជាក់ស្ដែង មិនយូរប៉ុន្មានផលិតកម្ម YG ក៏បានចេញមុខទទួលស្គាល់ថា ព័ត៌មានបែកបាក់គ្នានេះ គឺជាការពិតមែន ប៉ុន្តែចំពោះហេតុផលដែលនៅពីក្រោយនេះ ខាងផលិតកម្មមិនបានលើកឡើងទេ ព្រោះវាជារឿងផ្ទាល់ខ្លួនរបស់បុគ្គលម្នាក់ៗ។

Nam Joo Hyuk និង Lee Sung Kyung ពេលសម្ដែងរឿង

រំឮកផងដែរ តួឯកប្រុសស្រីរឿង "Weightlifting Fairy Kim Bok Joo” នេះបានចាប់ផ្ដើមទាក់ទងស្រឡាញ់គ្នា កាលពីថ្ងៃទី ២៣ ខែមេសា ឆ្នាំ២០១៧ តែពេលនេះពួកគេបានចែកផ្លូវគ្នាហើយក្រោយទាក់ទងគ្នាមិនបាន ១ឆ្នាំផង៕