រដ្ឋ ៧ នៅអាមេរិកយកពន្ធលើអ្នកក្រធ្ងន់ជាងអ្នកមាន
- 2017-08-19 07:35:44
- ចំនួនមតិ 0 | ចំនួនចែករំលែក 0
រដ្ឋ ៧ នៅអាមេរិកយកពន្ធលើអ្នកក្រធ្ងន់ជាងអ្នកមាន
ចន្លោះមិនឃើញ
ការដកហូតពន្ធជាប្រភពចំណូលដ៏សំខាន់ដើម្បីជួយទ្រទ្រង់សេដ្ឋកិច្ចជាតិ។ ប្រទេសជុំវិញពិភពលោក រួមទាំងកម្ពុជាផងនិយាយបែបទូលាយ បានកំណត់យកពន្ធអាករផ្សេងៗគ្នា។ នៅអាមេរិក ការគិតពន្ធលើប្រាក់ចំណូលមាន២យ៉ាង គឺ Regressive Tax ដែលមានន័យថា យកពន្ធលើអ្នកក្រធ្ងន់ ខណៈ Progressive Tax យកពន្ធធ្ងន់លើអ្នកមានវិញ។
រដ្ឋ៧នៅអាមរិក បានក្លាយជាជនរងគ្រោះ ដែលប្រជាជនពេញកម្លាំងធ្វើការភាគច្រើនមានចំណូលទាប ណាមួយត្រូវមានកាតព្វកិច្ចបង់ពន្ធធ្ងន់ធ្ងរទៀតផង។ រដ្ឋទាំងនេះ មិនសូវសម្បូរអ្នកមានទេ បើយកពន្ធធ្ងន់ លើអ្នកមាន ក៏មិនសូវចំណេញដល់រដ្ឋប៉ុន្មានដែរ។
រដ្ឋទាំងនោះរួមមាន៖ (១) Tennessee, (២) ផេនស៊ីលវ៉ានៀ (Pennsylvania), (៣) អ៊ីលីណយ (Illinois), (៤) South Dakota, (៥) តិចសាស់ (Texas), (៦) Florida និងចុងក្រោយ ទី(៧) វ៉ាស៊ីនតោន(Washington)។
អ្នកមានចំណូលទាបបំផុតនៃរដ្ឋទាំងនោះ ត្រូវបង់ពន្ធកប់ពពក តួយ៉ាង រដ្ឋអ៊ីលីណយ ដែលជាញឹកញយ ត្រូវបានគេហៅថា "នរកពន្ធ, tax hell” ព្រោះប្រជាជនក្រីក្រត្រូវបង់ពន្ធលើប្រាក់ចំណូលលើសពី ១៣%។ អ្នកមានចំណូលមធ្យមបង់តិចជាងបន្តិច ចន្លោះពី ៨% ទៅ ១០% ខណៈអ្នកមានមែនទែនវិញ បង់ពន្ធត្រឹមរង្វង់ពី ១% ឬមិនលើសពី ៣%។
រដ្ឋវ៉ាស៊ីនតោន គឺជាករណីពិសេស ព្រោះជារដ្ឋអ្នកមាន តែរដ្ឋនេះមិនមានចែងច្បាប់ស្ដីពីពន្ធលើប្រាក់ចំណូលផ្សេងៗ ក្រៅពី Regressive Tax ដែលតម្រូវឲ្យអ្នកក្របង់ពន្ធកប់ពពក ដើម្បីបំពេញ ចំណូលរដ្ឋាភិបាលនោះទេ។ ពលរដ្ឋវ៉ាស៊ីនតោន ដែលមានចំណូលទាប ត្រូវបង់ពន្ធខ្ពស់បំផុតនៅអាមេរិក គឺ ១៦,៨% អ្នកមធ្យម ១០,១% រីឯអ្នកមាន បង់តែ ២,៤% ប៉ុណ្ណោះ។
ក៏ប៉ុន្តែ ថវិកាបង់ពន្ធទាំងនោះរដ្ឋនឹងទូទាត់ឲ្យវិញនៅពេលឈានដល់វ័យចូលនិវត្តន៍នៅអាយុ៦៦ឆ្នាំ។ បានន័យថា បង់ពន្ធឲ្យរដ្ឋកាន់តែធ្ងន់ បានលុយចូលនិវត្តន៍កាន់តែច្រើន។ ពលរដ្ឋអាមេរិកាំងចូលនិវត្តន៍ម្នាក់ រដ្ឋផ្ដល់ប្រាក់ខែរហូតដល់ ២ ៦៨៧ដុល្លារក្នុង១ខែ ឬប្រមាណជាង៣ម៉ឺនដុល្លារ ក្នុង១ឆ្នាំ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
