បេក្ខភាពកម្ពុជា ៤រូប ត្រៀមចេញទៅប្រកួតសម្រស់លំដាប់ថ្នាក់ពិភពលោកចុងឆ្នាំនេះ
- 2017-08-20 04:04:51
- ចំនួនមតិ 0 | ចំនួនចែករំលែក 0
បេក្ខភាពកម្ពុជា ៤រូប ត្រៀមចេញទៅប្រកួតសម្រស់លំដាប់ថ្នាក់ពិភពលោកចុងឆ្នាំនេះ
ចន្លោះមិនឃើញ
ចុងឆ្នាំនេះមានបវរកញ្ញាឯក៣រូប និងបុរសសង្ហារម្នាក់ ត្រៀមតំណាងកម្ពុជាចេញរួមប្រកួតសម្រស់ សម្ថតភាព និងទេពកោសល្យ ក្នុងកម្មវិធីធំៗលំដាប់ថ្នាក់ពិភពលោក នៅប្រទេសផ្សេងៗគ្នា។ បេក្ខភាពទាំងនោះរួមមាន៖
១ កញ្ញាឯក ខ្លឹម ស្រីគា ៖
ខ្លឹម ស្រីគា មានអាយុ១៨ឆ្នាំ នាងនឹងតំណាងកម្ពុជាទៅប្រកួតកម្មវិធី "Miss Grand Internation 2017” ដែលនឹងប្រព្រឹត្តឡើង នាខែតុលាឆ្នាំ២០១៧នេះ នៅប្រទេសវៀតណាម។ បន្ទាប់ពីនាងបានជាប់ជយលាភី "Miss Grand Cambodia2017” កាលពីថ្ងៃទី១៧កន្លងទៅ។
២ លោក ពៅ មុន្នីករុណា
បុរសសង្ហារូបនេះ ត្រៀមចេញទៅប្រកួតក្នុងកម្មវិធី "Mister United Continents 2017” នាអំឡុងខែ វិច្ឆិកា នៅប្រទេសហ្វីលីពីន។ បើតាមការបញ្ជាក់ពីសាមីខ្លួន លោកជាបេក្ខភាពខ្មែរទិ២ហើយដែលចូលរួមប្រកួតក្នុងកម្មវិធីនេះ ស្រពពេលដែលអ្នកទិ១មានឈ្មោះ ឃឹម សានីត។
៣ កញ្ញឯក អែមគុណថង៖
អែម គុណថង ដែលជាបេក្ខភាពចំណាត់ថ្នាក់លេខ២ ក្នុងកម្មវិធី "Miss Cambodia2016” នឹងតំណាងកម្ពុជាចូលរួមកម្មវិធី "កញ្ញាឯកផែនដី២០១៧" ឬ "Miss Earth 2017” នៅប្រទេសហ្វីលីពីន នា វិច្ឆិកា ខាងមុខ។ វត្តមានរបស់ គុណថង គឺជាការវិលត្រលប់មកវិញរបស់កម្ពុជាបន្ទាប់ពីអវត្តមានជិត១០ឆ្នាំ គិតតាំងឆ្នាំ២០០៦។
៤ កញ្ញាឯក ប៊ី សុធារី៖
សុធារី ត្រៀមចូលប្រលងក្នុងកម្មវិធី ប្រកួតសម្រស់ធំជាងគេប្រចាំឆ្នាំគឺ "កញ្ញាឯកចក្កវាឡ២០១៧" បន្ទាប់ពីនាងគ្រងមកុដ "កញ្ញាឯកកម្ពុជាឆ្នាំ២០១៦"។ ការប្រកួតនឹងចាប់ផ្ដើមនៅថ្ងៃអំឡុងខែធ្នូ សម្រាប់ទីតាំងប្រកួតមិនទាន់ចេញជាផ្លូវការណ៍នៅឡើយទេ។ អានជុំវិញកញ្ញាឯក ប៊ីសុធារី
ក្រៅពីកម្មវិធីប្រកួតសម្រស់ខាងលើ មានកម្មវិធីមួយទៀតដែលត្រៀមធ្វើឡើងក្នុងខែវិច្ឆិកា នៅព្រះរាជាណាចក្រកម្ពុជា គឺ "Miss Global 2017” ឬ "កញ្ញាឯកពិភពលោក" ដឹលនឹងមានបេក្ខភាពពី៦០-៨០ប្រទេសចូលរួម។ កម្ពុជានឹងត្រៀមជ្រើសរើសស្រីស្អាតម្នាក់តំណាងប្រទេស ចូលរួមកម្មវិធីនេះ ដែលប្រព្រឹត្តឡើងនៅពាក់កណ្ដាលខែតុលាខាងមុខ៕
អាន៖ ជុំវិញការប្រលង Miss Global នៅកម្ពុជា