NASA ប្រាប់គន្លឹះប្រើស្មាតហ្វូនថតសូរ្យគ្រាសឲ្យបានស្អាត និងមិនខូច Lens កាមេរ៉ា

2017-08-20 06:13:36
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមអង្គការ NASA បានលើកឡើងជាសាធារណៈថា ការប្រើប្រាស់កាមេរ៉ាស្មាតហ្វូនថតទិដ្ឋភាពសូរ្យគ្រាសដោយផ្ទាល់អាចបង្កផលប៉ះពាល់ដល់កញ្ចក់ Lens ឲ្យមានបញ្ហាខូចខាតបាន។ ជាទូទៅកញ្ចក់ Lens បំពាក់លើកាមេរ៉ាស្មាតហ្វូនមានទំហំតូចមែនទែន ដែលប្រហែលជាង ២ ម.ម ប៉ុណ្ណោះ ជាកត្តាធ្វើឲ្យវាគ្រប់គ្រងពន្លឺមិនបានល្អ។ ទៀតសោតវាមកជាមួយនូវប្រព័ន្ធ UV Filterដែលកាត់បន្ថយនូវពន្លឺខ្លះចេញពីបន្ទះឈីប និង Sensor ហើយធ្វើការកំណត់ Exposure ដោយខ្លួនឯង។

NASA កត់សម្គាល់ឃើញ សឹងតែគ្រប់អ្នកថតរូបអាជីពបានឆ្លើយតបជុំវិញបញ្ហាខាងលើថា មិនអីទេ ប៉ុន្តែនេះសម្រាប់តែលក្ខខណ្ឌបើអ្នកថតដោយប្រើល្បឿនលឿនបំផុត ដូចជាការថតនូវទិដ្ឋភាពណាមួយដែលជាប់ព្រមគ្នាជាមួយព្រះអាទិត្យ។ ម្ល៉ោះហើយដើម្បីបញ្ចៀសពីបញ្ហាខូចខាត Lens កាមេរ៉ានៃស្មាតហ្វូន អង្គការរបស់សហរដ្ឋអាមេរិកមួយនេះបានណែនាំនូវគន្លឹះខ្លីៗដូចខាងក្រោម ៖

ត្រូវប្រើប្រាស់ Lens ជំនួយប្រភេទ Solar Filter ដែលអាចការពារដល់ Lens កាមេរ៉ា ហើយអ្នកផ្ទាល់ត្រូវពាក់វ៉ែនតាការពារភ្នែក សម្រាប់មើលសូរ្យគ្រាស ជៀសវាងពន្លឺខ្លាំងជះឲ្យខូចកែវភ្នែក (ករណីបើគ្មាន Lens Solar Filter អ្នកអាចប្រើវ៉ែនតាការពារនោះមកដាក់ពីមុខ Lens កាមេរ៉ាស្មាតហ្វូនក៏បាន)។
ត្រូវប្រើប្រាស់ Tripod បំពាក់ជាប់ស្មាតហ្វូន ងាយស្រួលក្នុងការផ្លាស់ប្ដូរមុំថតបានលឿនជាងមុន និងលេចចេញទិដ្ឋភាពសូរ្យគ្រាស។
កុំភ្លេចថតទិដ្ឋភាពនៅជុំវិញខ្លួនអ្នក ដែលទាក់ទងនឹងសកម្មភាពមនុស្ស ហើយគួរទាញយកនូវកម្មវិធីកាមេរ៉ាណាមួយបន្ថែមទៀតដែលអាចកំណត់ល្បឿន Exposure ក៏ដូចជា Settings ផ្សេងទៀត។
ត្រៀមពិល ឬឧបករណ៍បញ្ចាំងណាមួយ ងាយស្រួលពេលមានសូរ្យគ្រាស ព្រោះពន្លឺជុំវិញនោះនឹងចាប់ផ្ដើមងងឹត ហើយគួរហ្វឹកហាត់ការថតប៉ុន្មានថ្ងៃទុកជាមុន នូវទិដ្ឋភាពបន្ទាប់ពីថ្ងៃលិចអំឡុងពេលព្រលប់។
ហ្វឹកហាត់ការថតរូបព្រះចន្ទពេញវង់ ដើម្បីស្គាល់ច្បាស់ពីទំហំប្រហែលនៃសូរ្យគ្រាសដែលនឹងលេចចេញ។
ថតបែប Time-lapse ដោយរក្សាការប្រើឧបករណ៍ Tripod ជំនួយដែលយើងនឹងអាចឃើញពីទិដ្ឋភាពមុននិងក្រោយពេលមានសូរ្យគ្រាសថាអស្ចារ្យដល់កម្រិតណា៕