បន្តិចទៀត ប្រើតែ Facebook អាចចេះភាសាទាំងអស់ក្នុងលោក

2017-08-20 03:19:46
ចំនួនមតិ 0 | ចំនួនចែករំលែក 0

ចន្លោះមិនឃើញ

Facebook បានផលិតនូវបច្ចេកវិទ្យា AI កម្រិតខ្ពស់ដែលអាចបកប្រែភាសានានាបានឆាប់រហ័ស និងត្រៀមដាក់ឲ្យប្រើជាសាធារណៈទូទាំងពិភពលោក ដោយជំនួសឲ្យសមត្ថភាពកុំព្យូទ័រដើម្បីជួយធ្វើឲ្យការទំនាក់ទំនងកាន់តែប្រសើរឡើង។

រូបតំណាង

ក្រុមស្រាវជ្រាវបច្ចេកវិទ្យា AI របស់បណ្ដាញសង្គមដ៏ធំមួយនេះបានអនុវត្ត **Machine Learning** របស់ Facebook ដែលធ្វើឲ្យវាយល់កាន់តែល្អនូវដំណើរការនៃភាសានានា រួមទាំងគ្រាមភាសា ពាក្យកាត់ និងចេតនារបស់មនុស្សដើម្បីធ្វើឲ្យការបកប្រែកាន់តែត្រឹមត្រូវល្អ។

ពួកគេកំពុងប្រើប្រាស់ប្រភេទនៃ Nerual-network ឈ្មោះ Convolutional neural-network (CNN)។ សម្រាប់យើងដែលមិនមែនជា Machine-learning programmer ជាធម្មតាដឹងថាអក្សរអាចដំណើរការជាដំណាក់កាល។ CNN អាចដំណើរការគ្រប់ទិន្នន័យក្នុងពេលម្ដងប៉ុណ្ណោះ ដែលមាន Processor ច្រើន ប៉ុន្តែត្រូវការកុំព្យូទ័រខ្លាំងសម្រាប់ដំណើរការ។

ការបកប្រែថ្មីនេះមានលក្ខណៈប្រសើរជាងមុនគួរឲ្យកត់សម្គាល់ ដោយជំនួសឲ្យការបកប្រែឃ្លា ដែលពេលខ្លះអាចផ្ដល់នូវលទ្ធផលមិនត្រឹមត្រូវ។ បច្ចុប្បន្ន វាបកប្រែពីមួយពាក្យ ទៅមួយពាក្យ និងព្យាយាមឲ្យប្រសើរជាងមុន សូម្បីតែពាក្យមិនមានពីភាសាមួយ ទៅភាសាបន្ទាប់ទៀត វានឹងព្យាយាមធ្វើយ៉ាងណាបង្ហាញការបកប្រែដែលអាចអានបាន។

ក្រុមការងារអនុវត្ត Machine Learning របស់ Facebook បានបង្កើតទំនាក់ទំនងជាមួយនឹងមនុស្សដែលចេះនិយាយភាសាផ្សេងគ្នា ហើយនឹងបញ្ចូលក្នុង Facebook ដែលមានន័យថាមនុស្សប្រហែល ២ ពាន់លាននាក់អាចចែករំលែក និងផ្សារភ្ជាប់ទៅតាមភាសាទាំងនោះបាន៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ thenextweb ប្រែសម្រួល ៖ ប៊ុន ធឿន