ចេញតម្លៃ Note 8 លក់នៅចិន ឃើញរួចសឹងតែទឹកភ្នែក

2017-08-19 02:06:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ព័ត៌មានពី Note 8 លេចធ្លាយកាន់តែច្រើនទៅៗពីមួយថ្ងៃទៅមួយថ្ងៃ ដោយសារតែពេលវេលាស្មាតហ្វូននេះប្រកាសចេញកាន់តែកៀកមែនទែនហើយ។ ជាក់ស្ដែងកាលពីម្សិលមិញមានការលេចចេញរូបរាងពិតប្រាកដរបស់ Galaxy Note 8 គ្រប់ជ្រុងជ្រោយ។

ថ្ងៃនេះមានការលេចចេញដំណឹងមួយទៀតដែលបង្ហាញអំពីតម្លៃរបស់ Galaxy Note 8 ដែលនឹងដាក់លក់ក្នុងទីផ្សារប្រទេសចិន។ ដំណឹងដែលមានប្រភពពីប្រទេសចិនបង្ហាញថា Galaxy Note 8 មានជម្រើសទំហំអង្គផ្ទុកទិន្នន័យចំនួន ៣ ប្រភេទដែលមានលក់ក្នុងតម្លៃដូចតទៅ ៖

@ ទំហំ ៦៤ GB លក់តម្លៃ ៦ ២៨៨ យ័ន ស្មើនឹងប្រមាណ ៩៤១ ដុល្លារ

@ ទំហំ ១២៨ GB លក់តម្លៃ ៧ ០៨៨ យ័ន ស្មើនឹងប្រមាណ ១ ០៦១ ដុល្លារ

@ ទំហំ ២៥៦ GB លក់តម្លៃ ៧ ៩៨៨ យ័ន ស្មើនឹងប្រមាណ ១ ១៩៦ ដុល្លារ

តម្លៃដែលបង្ហាញខាងលើដូចជាការលើកឡើងរបស់អ្នកវិភាគ និង ពាក្យចចាមអារ៉ាមចេញផ្សាយកន្លងមកដែលបានលើកឡើងថា Galaxy Note 8 នឹងមានតម្លៃដល់ខ្ទង់ ១ ពាន់ដុល្លារ។ យ៉ាងណាក្ដីប្រិយមិត្តកុំទាន់ជឿលើតម្លៃនេះ ១០០% អីព្រោះតម្លៃផ្លូវការដែលបង្ហាញចេញដោយ Samsung អាចនឹងខុសពីតម្លៃនេះក៏ថាបាន៕

ចុចអាន៖

ប្រភព៖ PhoneArena ប្រែសម្រួល៖ សុខហេង