​ប្រិយមិត្ត​ជា​ច្រើន​ប្រហែល​ធ្លាប់​មាន​ចម្ងល់​ទាក់ទង​នឹង​កុំព្យូទ័រ​ ​ដែល​ប្រើ​ប្រព័ន្ធ​ប្រតិបត្តិការ​ ​Windows​ ​ហើយ​នឹង​កុំព្យូទ័រ​ប្រើ​ប្រព័ន្ធ​ប្រតិបត្តិការ​ ​MacOS​ ​របស់​ ​Apple។ ដូច​នេះ​ ​Sabay​ ​សូម​បង្ហាញ​នូវ​ចំណុច​ត្រួសៗ​ទាក់ទង​នឹង​ផលិត​ផល​ទាំង​ពីរ​នេះ​ ​៖

១. ការ​រចនា​របស់​ Apple

Apple​ ​ចំណាយ​ពេល​ជា​ច្រើន​ឆ្នាំ​ធ្វើ​ការ​លើ​រូបរាង​ផលិតផល​របស់​ខ្លួន​ ​ដោយ​ភាព​ល្អិតល្អន់ សូម្បី​តែ​រូបរាង​ខាង​ក្នុង​កុំព្យូទ័រ​ក៏​មាន​របៀប​រាប​រយ​ល្អ​ដែរ។

២. Microsoft

Surface Studio PC​ ​របស់​ក្រុមហ៊ុន​ ​Microsoft​ ​មាន​ការ​កោត​សរសើរ​ច្រើន​សម្រាប់​ការ​រចនា​ដ៏​មាន​គំនិត​ច្នៃប្រឌិត​ ​ហើយ​ទាំង​ ​Surface Pro 4 tablet​ ​និង​ Surface Book Laptop ក៏​មាន​រូបរាង​ទាក់ទាញ​ផង​ដែរ​។ ក្រុមហ៊ុន​ជា​ច្រើន​ដូចជា​ Dell និង​ Asus បាន​យក​គំនិត​ខ្លះ​ពី​ Microsoft សម្រាប់​ផលិត​ Windows Laptops និង​ Tablets។ 

៣. Macs​ ​មាន​តម្លៃ​ថ្លៃ​ជាង​ ​Windows PCs

ជា​មធ្យម​ ​Macs​ ​មាន​តម្លៃ​ថ្លៃ​ជាង​ ​Windows PC​ ​គួរ​ឲ្យ​កត់​សម្គាល់​ ​សូម្បី​តែ​លក្ខណៈ​ម៉ាស៊ីន​ស្រដៀង​គ្នា​ក៏​ដោយ​ ​លើក​លែង​តែ​ ​Surface Book​ ​ឬ​ ​Pcs​ ​សម្រាប់​ ​Gaming​ ​កម្រិត​ខ្ពស់​ចុង​ក្រោយ​ដែល​ជា​មធ្យម​ ​Windows​ ​Laptop​ ​មាន​តម្លៃ​ប្រហែល​ ​៥០០​ ​ដុល្លារ។ MacBook Air​ ​ដែល​មាន​រាង​ស្ដើង​តម្លៃ​ថោក​បំផុត​របស់​ ​Apple​ ​ក៏​ចាប់​ពី​ ​៩៩៩​ ​ដុល្លារ​ដែរ។ 

៤. Windows​ ​ល្អ​សម្រាប់​លេង​ហ្គេម​ដែល​ទាមទារ​កម្លាំង​ខ្លាំង

អ្នក​លេង​ហ្គេម​ប្រភេទ​ ​Hardcore​ ​ចូលចិត្ត​ ​Windows​ ​ជាង​ដោយសារ​ ​Pcs​ ​ងាយស្រួល​ ​Customize​ ​ដោយ​អាច​កែ​តម្រូវ​ ​និង​ឡើង​ជំនាន់​តាំង​ពី​ ​Graphic card, Processor, និង​ចំនួន​អង្គ​ចងចាំ​ជាដើម ហើយ​កុំព្យូទ័រ​របស់​ពួកគេ​បាន​ងាយស្រួល​ ​ដោយ​មិន​ចាំបាច់​ទិញ​ថ្មី​ទាំងស្រុង​។ Macs​ ​ស្ទើរ​តែ​មិន​អាច​ទៅ​រួច​ ​និង​ងាយស្រួល​ក្នុង​ ​Upgrade​ ​នោះ​ឡើយ​ ​ហើយ​លុះត្រាតែ​អ្នក​ចំណាយ​ប្រាក់​ច្រើន​សម្រាប់​ម៉ូដែល​ ​Mac​ ​ដែល​នៅ​មាន​កម្រិត​ទាប​ជាង​ ​Windows​ ​សម្រាប់​ម៉ាស៊ីន​ ​Gaming។ 

៥. ទទួល​បាន​ ​Customer Support​ ​យ៉ាង​ល្អ​សម្រាប់​ ​Mac​ ​(កម្ពុជា​ប្រហែល​ជា​មិន​ទាន់​មាន​នោះ​ទេ​) 

ពេល​ ​Mac​ ​ធ្លាក់​ ​ឬ​មាន​បញ្ហា​អ្នក​អាច​ណាត់​ជួប​ ​និង​យក​វា​ទៅ​កាន់​ ​Apple Store​ ​ដែល​អ្នក​ជំនាញ​នឹង​ធ្វើការ​ពិនិត្យ​ ​ប្រសិនបើ​បញ្ហា​អាច​ជួសជុល​បាន​ពួកគេ​នឹង​ជួសជុល​ជា​ធម្មតា​ឥត​គិត​ថ្លៃ​។ 

Microsoft​ ​មិន​បាន​ផលិត​កុំព្យូទ័រ​ទាំងអស់​លក់​នោះ​ទេ​ ដែល​ពេល​ខ្លះ​ពួកគេ​ត្រូវ​បញ្ជូន​វា​ត្រលប់​ទៅ​រោងចក្រ​សម្រាប់​ការ​ជួសជុល​ ដែល​ធម្មតា​មិន​សូវ​មាន​ ​Microsoft Store​ ​ច្រើន​ដូច​នឹង​​Apple Store។

៦. Macs​ មាន​សុវត្ថិភាព​ជាង​សម្រាប់​ប្រឆាំង​ជា​មួយ​ ​Malware​ ​និងVirus

Platform​ ​របស់​ ​Apple​ ​ជា​គោលដៅ​តូច​ជាង​សម្រាប់​ ​Attacker​ ​ដែល​មាន​ន័យ​ថា​ ​Hacker​ ​អាច​វាយ​ប្រហារ​បាន​ច្រើន​កុំព្យូទ័រ​ជា​មួយ​នឹង​ការ​ប្រឹងប្រែង​តិច​ដោយ​តម្រង់​គោលដៅ​លើ​ ​Windows​ ប៉ុន្តែ​មិន​រហូត​នោះ​ទេ​ ​ព្រោះ​យើង​បាន​ឃើញ​ចំនួន​នៃ​ ​Virus​ ​មាន​ការ​កើន​ឡើង​លើ​ ​Mac​ ​ប៉ុន្មាន​ឆ្នាំ​ថ្មីៗ​នេះ​។ 

Apple​ កំពុង​ធ្វើការ​ដើម្បី​ដើរ​មុន​មួយ​ជំហាន​សម្រាប់​ប្រព័ន្ធ​ការពារ​ថ្មីៗ​ ​បញ្ចូល​ក្នុង​ ​MacOS​ ​ជំនាន់​ថ្មី​ចុងក្រោយ​។​ ​តាំង​ពី​ប្រព័ន្ធ​ប្រតិបត្តិការ​ ​Mac​ ​របស់​ ​Apple​ ​ត្រូវ​បាន​បង្កើត​លើ​ ​Unix​ ​ដែល​មាន​សុវត្ថិភាព​ច្រើន​ស្រាប់​ជាង​ ​Windows​ បាត់​ទៅ​ហើយ​។

៧. OS​ ​ទាំង​ពីរ​ខុស​គ្នា​ទាំងស្រុង

Microsoft Windows 10​ ​និង​ ​MacOS​ ​របស់​ ​Apple​ ​មើល​ទៅ​ខុស​ទាំងស្រុង​តែ​ម្ដង​។ សម្រាប់​ ​Windows 10​ ​ក្រុមហ៊ុន​ ​Microsoft​ ​បាន​ព្យាយាម​ភ្ជាប់​ចូល​គ្នា​រវាង​ ​User-friendliness​ ​របស់​ ​Windows 7​ ​ជា​មួយ​នឹង​ ​User-friendliness​ ​របស់​ ​Window 8​ ​ដែល​បង្ហាញ​កម្មវិធី​ជា​លក្ខណៈ​ ​Grid។ Apple MacOS​ ​មាន​លក្ខណៈ​រៀបរយ​ ​និង​មិន​សូវ​សាំញ៉ាំ​ដែល​សាមញ្ញ​ដោយ​មាន​ ​Dock​ ​សម្រាប់​ចូល​ប្រើប្រាស់​កម្មវិធី​ដែល​ឧស្សាហ៍​ប្រើ​ ​និង​ ​Taskbar​ ​នៅ​ខាងលើ​នៃ​អេក្រង់​។

៨. PCs​ ​ផ្ដល់​ជម្រើស​ច្រើន​ជាង​

មាន​ក្រុមហ៊ុន​ផលិត​ ​PC​ ​ផ្សេងៗ​ជា​ច្រើន​ផ្ដល់​ឲ្យ​អតិថិជន​នូវ​ជម្រើស​ ​និង​ ​Brand​ ​ច្រើន​ក្នុង​ការ​ជ្រើសរើស។ បច្ចុប្បន្ន​ក្រុមហ៊ុន​ ​Microsoft​ ​ប្រហែល​ជា​ស្ថិត​ក្នុង​ជំនួញ​ ​Hardware​ ​ប៉ុន្តែ​ក្រុមហ៊ុន​ ​HP, Acer, Lenovo, Dell​ ​និង​ក្រុមហ៊ុន​ដទៃ​ទៀត​នៅ​តែ​សំខាន់​សម្រាប់​ ​Window PC​ ​លើ​ពិភពលោក​ ​ដែល​មាន​មុខងារ​ផ្សេងៗ​អាច​សាក​សម​នឹង​ប្រាក់​កម្រៃ​ ​និង​ការ​ចង់​បាន​របស់​អ្នក​។ សម្រាប់​ ​Windows 10​ ​ក្រុមហ៊ុន​ ​Microsoft​ ​បាន​ព្យាយាម​បង្កើត​ប្រព័ន្ធ​ប្រតិបត្តិ​ការ​ដែល​អាច​ដំណើរការ​លើ​ ​Laptops, Desktops, Tablets​ ​និង​ ​Smartphone។ ក្រុមហ៊ុន​ ​Apple​ ​បង្កើត​ទាំង​ ​Mac​ ​hardware​ ​និង​ ​MacOS software​ ​ដូច្នេះ​ប្រសិនបើ​អ្នក​ចង់​បាន​ ​Mac​ ​អ្នក​ត្រូវ​ទៅ​ក្រុមហ៊ុន​ ​Apple​ ​ឬ​សាខា​លក់​រាយ​របស់​ ​Apple។ 

៩. ការ​កើន​ឡើង​នូវ​ចំនួន​កុំព្យូទ័រ​ ​Windows​ ​ដែល​មាន​ ​Touchscreen

តាំងពី​ ​Windows 8​ ​ក្រុមហ៊ុន​ ​Microsoft​ ​បាន​ជំរុញ​នូវ​ ​Touchscreen​ ​សម្រាប់​ ​Pcs​ ​ទៅ​អនាគត​។Windows 10​ ​ផ្ដោត​លើ​ចំណុច​ ​និង​ដំណើរការ​វា​ដែល​ធ្វើ​ឲ្យ​មាន​លក្ខណៈ​ប្រសើរ​ជាង​មុន។ នេះ​ជា​ហេតុផល​ដែល​ ​Windows 10 PCs​ ​ជា​ច្រើន​មាន​ ​Touchscreen។ ចំណែក​ ​Apple​ ​និយាយ​ថា​ ​iPad Pro Tablet​ ​អាច​ជំនួស​ ​Laptop​ ​សម្រាប់​មនុស្ស​ជា​ច្រើន​បាន​ ​ប៉ុន្តែ​សម្រាប់​ ​MacBook Laptops​ ​និង​ ​iMac Desktops​ ​របស់​ខ្លួន​នៅ​មិន​ទាន់​មាន​ ​Touchscreen​ ​គ្រប់​នោះ​ទេ។

១០. Windows​ ​ក៏​ដំណើរការ​លើ​ ​Tablets​ ​ដែរ​

Windows 10 អាច​ប្រើ​បាន​លើ​គ្រប់​ ​Device គ្រប់​ទំហំ​ពី​ ​All-in-one កុំព្យូទ័រ​ដ៏​ធំ ទៅ Laptop នឹង​ទៅ Tablet តូច​ទំហំ​ ​៨​ ​អ៊ីញ។ ប្រសិនបើ​អ្នក​ចង់​ប្រើ MacOS វា​ដំណើរការ​បាន​តែ​ផលិតផល​របស់​ ​Apple​ ​ប៉ុណ្ណោះ​ដែល​មាន​ ​Laptops, Desktops និង All-in-one កុំព្យូទ័រ​។

១១. អាច​ប្រើប្រាស់​ ​Keyboard shortcuts​ ​បាន​ប្រសិនបើ​អ្នក​ចង់​ផ្លាស់ប្ដូរ​

Windows 10​ ​អ្នក​អាច​ចុច​លើ​ ​Windows key​ ​និង​ ​Print screen key​ ​ដើម្បី​ចាប់​យក​ ​Screenshot​ ​ប៉ុន្តែ​អ្នក​ត្រូវ​ការ​ប្រើប្រាស់​កម្មវិធី​ដទៃ​ទៀត​ដូចជា​ ​Paint​ ​ដើម្បី​ធ្វើ​ការ​តម្រឹម​រូបភាព​។ សម្រាប់​ ​Mac​ ​អ្នក​គ្រាន់​តែ​ចុច​ឲ្យ​ជាប់​ ​Command + Shift + 4 key​ ​ដើម្បី​ចាប់​យក​ ​Screenshot​ ​ដែល​អាច​ឲ្យ​អ្នក​តម្រឹម​អ្វី​ក៏​ដោយ​ដែល​អ្នក​ចង់​បាន​លើ​អេក្រង់​។

១២. Mac​ ​និង​ ​iPhone​ ​ជា​ក្រុម​ជា​មួយ​គ្នា

Iphone​ ​និង​ ​Mac​ ​ជា​ផលិតផល​របស់​ក្រុមហ៊ុន​ ​Apple​ ​ដែល​មាន​ដំណើរការ​ជា​មួយ​គ្នា​បាន​យ៉ាង​ល្អ​។​ ប្រសិនបើ​អ្នក​មាន​ ​iPhone​ ​សារ​របស់​អ្នក​ ​Sync​ ​លើ​ ​Mac​ ​ជាមួយ​នឹង​កម្មវិធី​ ​Messages​ ​ដែល​មាន​ស្រាប់​។ អ្នក​ក៏​អាច​ឆ្លើយ​តប​សារ​ពី​ Mac ផង​ដែរ​។ មុខងារ​មួយ​ទៀត​ ​Airdrop​ ​លើ​ ​iPhone​ ​ឬ​ ​Mac ដែល​អាច​ឲ្យ​អ្នក​ចែករំលែក​រូបភាព​ ​ឬ​ឯកសារ​ពី​ទូរសព្ទ​ ​ទៅ​ ​Desktop​ ​បាន​យ៉ាង​រហ័ស​ ​ហើយ​ ​Handoff​ ​អាច​ឲ្យ​អ្នក​បើក​នូវ​ ​Link​ ​ពី​ទូរសព្ទ​លើ​ ​Desktop Browser​ ​បាន។ Windows 10​ ​មិន​មាន​លក្ខណៈ​ល្អ​បែប​នឹង​នោះ​ទេ​ ​ប៉ុន្តែ​ប្រសិនបើ​អ្នក​ដំឡើង​កម្មវិធី​ ​Microsoft Cortana​ ​លើ​ទូរសព្ទ​ ​Android​ ​អ្នក​អាច​ប្រើប្រាស់​ ​Windows 10 PC​ ​ឬ​ ​Tablet​ ​ដើម្បី​បញ្ជូន​សារ​ពី​លេខ​ទូរសព្ទ​បាន។ 

១៣. Macs​ ​អាច​ដំណើរការ​ ​Windows​ ​បាន

Macs​ ​មាន​សមត្ថភាព​ដំណើរការ​ ​Windows​ ​ទាំង​ប្រើប្រាស់​ ​Virtual machine​ ​ឬ​ដោយ​ផ្ទាល់​លើ​ប្រព័ន្ធ​តែ​ម្ដង​។ គ្រប់​ម៉ូដែល​ ​Mac​ ​មាន​កម្មវិធី​ស្រាប់​ឈ្មោះ​ ​Boot Camp​ ​ដែល​អាច​ឲ្យ​អ្នក​ដំឡើង​ ​Windows​ ​លើ​ម៉ាស៊ីន​បាន​។ ប្រសិនបើ​អ្នក​ចង់​ ​អ្នក​អាច​បែងចែក​ ​Space​ ​លើ​ ​Hard drive​ ​រវាង​ ​Windows​ ​និង​ ​MacOS​ ​ដូច្នេះ​អ្នក​មាន​ប្រព័ន្ធ​ប្រតិបត្តិការ​ ​(OS)​ ​ពីរ​លើ​កុំព្យូទ័រ​តែ​មួយ​៕

ទទួល​បាន​ព័ត៌មាន​ថ្មីៗ គន្លឹះ​មាន​ប្រយោជន៍​រួម​ទាំង​ចំណេះដឹង​ផ្សេង​ៗ​ពី​បច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

• NASA ​ ​ប្រាប់​គន្លឹះ​ប្រើ​ស្មាតហ្វូន​ថត​សូរ្យគ្រាស​ឲ្យ​បាន​ស្អាត​ ​និង​មិន​ខូច​ ​Lens​ ​កាមេរ៉ា
• Apple​ ​ចេញ​ស្ពត​អួត​ ​iOS 11​ ​ជាមួយ​ ​iPad Pro​ ​[មាន​វីដេអូ]

ប្រភព៖ Businessinsider   ប្រែសម្រួល ​៖ ប៊ុន ធឿន