មហាសេដ្ឋីម្នាក់ រកឃើញនាវាសង្គ្រាមលោក លិច៧២ឆ្នាំមុន សម្លាប់មនុស្ស៨៧៩នាក់

2017-08-21 00:57:19
ចំនួនមតិ 0 | ចំនួនចែករំលែក 0

ចន្លោះមិនឃើញ

មហាសេដ្ឋីបច្ចេកវិទ្យា និងជាសហស្ថាបនិកក្រុមហ៊ុន Microsoft លោក Paul G. Allen បានប្រកាសកាលពីថ្ងៃសុក្រ កន្លងទៅនេះថា នាវាមួយមានឈ្មោះថា USS Indianapolis ដែលជាកម្មសិទ្ធិនៃអង្គការរបស់លោក ត្រូវបានគេរកឃើញបំណែក នៅឯសមុទ្រហ្វីលីពីន (Philippine Sea)។

លោក Paul G. Allen ប្រកាសនៅលើបណ្តាញសង្គម Twitter

លោក Paul G. Allen

នាវាដែលបានលិចដោយសារនាវាមុជទឹករបស់ជប៉ុន នៅឆ្នាំ ១៩៤៥ នេះ នៅតែជាការបាត់បង់ជីវិតដ៏ធំបំផុតមួយ នៅក្នុងប្រវត្តិសាស្ត្រនាវាចរអាមេរិក។

គួររំលឹកឲ្យដឹងថា នៅថ្ងៃទី៣០ ខែកក្កដា ឆ្នាំ១៩៤៥ នៅពេលដែលសង្គ្រាមលោកលើកទី២ ខិតជិតមកដល់ទីបញ្ចប់ នាវា USS Indianapolis ត្រូវបានបាញ់កម្ទេច ដោយកងនាវាមុជទឹករបស់ជប៉ុន និងលិចក្នុងរយៈពេល ១២ នាទីប៉ុណ្ណោះ។ នៅពេលនោះ វាទើបតែបានបញ្ចប់បេសកកម្មសម្ងាត់ ដឹកគ្រឿងផ្សំនៃអាវុធនុយក្លេអ៊ែរ ចំនួន ២ ដែលនឹងត្រូវបានប្រើទៅលើទីក្រុង Hiroshima និង Nagasaki ប្រទេសជប៉ុន។

ក្នុងចំណោមមនុស្ស ចំនួន ១ ១៩៧ នាក់នៅលើនាវា ប្រហែល ៣០០ នាក់បានលិចចុះជាមួយនាវា។ ចំណែកឯមនុស្សនៅសល់ ប្រមាណជា ៩០០ នាក់ទៀត បានលិចចូលទៅក្នុងទឹកសមុទ្រ ដែលមានត្រីឆ្លាម ជាមួយនឹងទូកសង្គ្រោះប៉ុន្មានគ្រឿង ហើយស្ទើរតែគ្មានអាហារ ឬទឹកសម្រាប់បរិភោគ។ រយៈពេល ៤ ថ្ងៃ អ្នកដែលមិនមានអាវពោង បានតោងអ្នកដែលមាន ខណៈត្រីឆ្លាមជាច្រើនក្បាលបានចោមរោម ហើយស៊ីអ្នកនៅរស់អស់ជាច្រើននាក់។

គួរបញ្ជាក់ផងដែរថា មានមនុស្សតែ ៣១៧ នាក់ប៉ុណ្ណោះ ដែលបានរួចផុតជីវិត ពីហេតុការណ៍ដ៏អាក្រក់ខាងលើ៕