Ramos ឲ្យអាជ្ញាកណ្ដាលមើលបាល់អង់គ្លេសផង ក្រោយបានកាតក្រហមបំបែកកំណត់ត្រា

2017-08-21 04:48:55
ចំនួនមតិ 0 | ចំនួនចែករំលែក 0

ចន្លោះមិនឃើញ

Sergio Ramos បាននិយាយថា គេមិនពេញចិត្តនឹងការទទួលបានកាតក្រហម ពេលលេងទល់នឹងDeportivo La Coruna និងបានណែនាំអាជ្ញាកណ្ដាល La Liga រៀនមើលបាល់នៅអង់គ្លេសផង។

Ramos ត្រូវអាជ្ញាកណ្ដាលផ្ដល់កាតលឿង២ដង បណ្ដេញចេញពីទីលានក្រោយបង្កកំហុសលើកីឡាករ Borja Valle នៅថ្ងៃបើករដូវកាល ពេល Real Madrid យកឈ្នះ Deportivo ៣-០ ធ្វើបានដោយកីឡាករ Gareth Bale, Casemiro និងToni Kroos ។

ការកាត់សេចក្ដីបែបនេះរបស់ Jose Luis Gonzalez ខ្សែការពារខាងលើបង្ហាញការមិនពេញចិត្តថា៖ "ពេលដែលយើងឈ្នះពានច្រើន ដៃគូប្រជែងរបស់ពួកយើង មិនសប្បាយចិត្តប៉ុន្មានទេ។ ខ្ញុំមិនពេញចិត្តសម្រាប់ការបានកាតក្រហមនេះឡើយ ប៉ុន្តែខ្ញុំគោរពតាមការសម្រេចរបស់អាជ្ញាកណ្ដាល។ ពេលខ្លះអាជ្ញាកណ្ដាលគួរមើលបាល់នៅប្រទេសអង់គ្លេស ដើម្បីឲ្យពួកយើងបានលេងច្រើនជាងនេះ។ ខ្ញុំចូលចិត្តប្រព័ន្ធកាត់ក្ដីរបស់ពួកគេ ព្រោះនៅអឺរ៉ុបអាជ្ញាកណ្ដាលមានការអត់ឱនច្រើន លើកលែងតែអេស្ប៉ាញ"។

យប់មិញជាការទទួលបានកាតក្រហមលើកទី១៨ ធ្វើឲ្យ Sergio Ramos ឡើងទៅឈរកំពូលចំណាត់ថ្នាក់អ្នកបានកាតក្រហមច្រើនជាងគេនៅ La Liga ជាមួយកីឡាករ២រូបទៀតរួមមាន Pablo Alfaro និង Xavi Aguado ដែលមាន១៨កាតដូចគ្នា៕

ចុចអាន៖

ប្រភព៖ Goal ប្រែសម្រួល៖ ហេង សុធារិទ្ធិ