មកដឹងរឿងរ៉ាវភ្ញាក់ផ្អើលទាំង៧ នៃកងកម្លាំងពិសេសអាមេរិក US Navy SEAL

2017-08-22 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តមួយចំនួនប្រហែលជាបានដឹងហើយថា កងកម្លាំងពិសេស US Navy SEAL គឺជាយោធាដែលទទួលបានការបណ្ដុះបណ្ដាលខ្លាំងបំផុត នៅលើពិភពលោក។

ពាក្យ «SEAL» តំណាងឲ្យ Sea (សមុទ្រ) , Air (អាកាស) និង Land (ដី) ហើយពួកគេតែងធ្វើបេសកកម្មសម្ងាត់គ្រប់ពេល តាមមធ្យោបាយ ទាំង ៣ នេះ។ ទោះបីជាពួកគេ ភាគច្រើនធ្វើការសម្ងាត់ ប៉ុន្តែមានរឿងរ៉ាវពិត និងគួរឲ្យភ្ញាក់ផ្អើលមួយចំនួន ដែលគេបានដឹងអំពីកងកម្លាំងពិសេសអាមេរិកនេះ។

ខាងក្រោមនេះគឺជា រឿងរ៉ាវភ្ញាក់ផ្អើលទាំង ៧ នៃកងកម្លាំងពិសេស US Navy SEAL៖

#១ បេសកកម្មគឺសម្ងាត់ ប៉ុន្តែការហ្វឹកហាត់មិនសម្ងាត់ឡើយ

កងកម្លាំងពិសេស Navy SEAL នឹងមិនប្រាប់អ្នកថា ពួកគេកំពុងធ្វើអ្វី ឬធ្វើដំណើរទៅណាឡើយ។ ក្នុងករណីមួយចំនួន ពួកនឹងមិនប្រាប់អ្នក ពីកន្លែងដែលពួកគេបានទៅ ឬអ្វីដែលពួកគេបានធ្វើឡើយ។ អ្វីគ្រប់យ៉ាងគឺសម្ងាត់បំផុត ប៉ុន្តែការហ្វឹកហាត់របស់ពួកគេ មិនមែនជារឿងសម្ងាត់ឡើយ។ សាធារណជនទូទៅ អាចទៅកាន់ឆ្នេរ Imperial Beach ស្ថិតក្នុងទីក្រុង Coronado នៃរដ្ឋ California ដើម្បីទស្សនាការជ្រើសរើស និងហ្វឹកហាត់របស់កងកម្លាំងពិសេស Navy SEAL ដោយផ្ទាល់។

#២ កងកម្លាំងពិសេស Navy SEAL មិនមែនធ្វើការតែក្នុងទឹកឡើយ

ពាក្យ «SEAL» តំណាងឲ្យ Sea (សមុទ្រ) , Air (អាកាស) និង Land (ដី) ហើយពួកគេតែងធ្វើបេសកកម្មសម្ងាត់គ្រប់ពេល តាមមធ្យោបាយ ទាំង ៣ នេះ។

#៣ កងកម្លាំងពិសេស Navy SEAL គិតបានលឿនបំផុត

ការបណ្ដុះបណ្ដាលដែលពួកគេឆ្លងកាត់ គឺភាពតឹងរ៉ឹងទាំងខាងផ្លូវចិត្ត និងរាងកាយ ដែលជួយឲ្យពួកគេគិតបានរហ័ស នៅគ្រប់ស្ថានភាពដែលអាចកើតមាន។

#៤ កងកម្លាំងពិសេស Navy SEAL មានទាំងអស់ ៨ ក្រុម

ជាក់ស្ដែង កងកម្លាំងពិសេស Navy SEAL មានសរុបចំនួន ៨ ក្រុម។ ពួកគេត្រូវបានបែងចែកជា ២ ក្រុមផ្សេងគ្នាទៀត ដោយក្រុមទី១ ឬ Group One មានលេខសេស (១, ៣, …) និង ក្រុមទី២ ឬ Group Two មានលេខគូ (២, ៤, ...)។ ក្រុមទាំងនោះមានលេខចាប់ពី ១ ដល់ ១០ ប៉ុន្តែគ្មានលេខ ៦ និង ៩ ឡើយ។ ផ្ទុយទៅវិញ គ្រប់គ្នាប្រហែលជាបានដឹងហើយថា ក្រុមNavy SEAL Team 6 គឺជាអ្នកកម្ចាត់ លោក Osama Bin Laden។ ចុះហេតុអ្វីបានជាគ្មានលេខ ៦? (ចម្លើយនៅចំណុចខាងក្រោម)

#៥ Navy SEAL មិនមែនជាកងកម្លាំងពិសេសតែមួយគត់របស់សហរដ្ឋអាមេរិកឡើយ

ដោយសារតែពួកគេ តែងតែបង្ហាញខ្លួននៅលើទំព័រសារព័ត៌មាន រាល់ពេលដែលទទួលបានជោគជ័យលើបេសកកម្មសម្ងាត់ មានមនុស្សជាច្រើនគិតថា Navy SEAL គឺជាកងកម្លាំងពិសេសតែមួយគត់របស់សហរដ្ឋអាមេរិក។ ផ្ទុយទៅវិញ វាមិនមែនជាការពិតឡើយ ព្រោះសហរដ្ឋអាមេរិកមានកងកម្លាំងពិសេសជាច្រើនទៀត ដូចជា កងយោធា មាន Green Berets, Army Rangers និង Night Stalkers។ រីឯ កងទ័ពអាកាស មាន Delta Force និង ទាហានម៉ារីន មាន MARSOC និង RECON ជាដើម។

#៦ មនុស្សស្រីមិនត្រូវបានអនុញ្ញាតឲ្យចូល Navy SEAL ឡើយ

Navy SEAL និង Navy SWCC ត្រូវបានច្បាប់តម្រូវមិនឲ្យមានសមាជិកស្រីឡើយ។

#៧ Navy SEAL Team 6 កើតឡើងដោយការបោកប្រាស់ប៉ុណ្ណោះ

អតីតមន្ត្រីកងទ័ពជើងទឹកអាមេរិក លោក Richard Marcinko គឺជាអ្នកបង្កើតក្រុម Navy SEAL Team Six ឡើង។ លោកបានដាក់លេខ ៦ ឲ្យវា ព្រោះលោកចង់ឲ្យរុស្ស៊ីគិតថា សហរដ្ឋអាមេរិក មានក្រុម Navy SEAL ច្រើនជាងជាក់ស្ដែង។ ការពិត នៅពេលនោះ សហរដ្ឋអាមេរិកមានក្រុម Navy SEAL តែ ៣ ក្រុមប៉ុណ្ណោះ៕

ចុចអាន៖

ប្រភព៖ theclever ប្រែសម្រួល៖ សេង ឡុង