ប្រើឡាន ម៉ូតូរាល់ថ្ងៃ ដឹងម៉ាស៊ីនដំណើរការដូចម្តេច ហើយខុសគ្នាយ៉ាងណាខ្លះ?

2017-08-22 03:24:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ពីមួយថ្ងៃទៅមួយថ្ងៃ ចំនួនយានយន្តរាប់ពាន់លានគ្រឿងបានចរាចរណ៍ពាសពេញពិភពលោក ខណៈមានក្រុមហ៊ុនផលិតជាច្រើនតែងប្រជែងគ្នាយកដំណែងក្នុងទីផ្សាររាងៗខ្លួន។ យ៉ាងណាមិញ ទោះជាមានក្រុមហ៊ុនជាច្រើនដែលចេញលក់រថយន្ត ម៉ូតូម៉ូដែលផ្សេងគ្នា ប៉ុន្តែម៉ាស៊ីននៃផលិតផលទាំងនោះស្ថិតក្រោមគោលការណ៍ផលិតដូចគ្នា ដែលមានបែងចែកដូចខាងក្រោម ៖

ការរចនា

Reciprocating engine ជាប្រភេទប្រើសម្ពាធចំហេះឥន្ធនៈទៅរុញច្រានដងប៊ីស្តុងឲ្យមានចលនាដើម្បីដំណើរការម៉ាស៊ីន។

Rotary engine ជាប្រភេទប្រើសម្ពាធចំហេះឥន្ធនៈទៅរុញច្រានដងរង្វិល Rotor ឲ្យមានចលនាដើម្បីដំណើរការម៉ាស៊ីន។

ប្រភេទឥន្ធនៈ

ម៉ាស៊ីនសាំង ដំណើរការដោយសម្ពាធចំហេះឥន្ធនៈ ម៉ាស៊ីនម៉ាស៊ូត ដំណើរការដោយផ្កាភ្លើងចំហេះឥន្ធនៈ

ប្រភេទវដ្ដ (Stroke)

ត្រង់ចំណុចនេះ គេសំដៅលើដំណើរការរង្វិលមួយជុំនៃប៊ីស្តុងក្នុងស៊ីឡាំងនីមួយៗ ហើយបច្ចុប្បន្នវដ្ដនៃម៉ាស៊ីនមាន

២ វដ្ដ
៤ វដ្ដ
៦ វដ្ដ

ចំនួនស៊ីឡាំង

សម្រាប់បញ្ជាក់ពីទំហំម៉ាស៊ីន ដែលស៊ីឡាំងមួយ ឬគេនិយមហៅថាម៉ាស៊ីនមួយ គឺសម្រាប់ម៉ូតូ ហើយលើសពីមួយសម្រាប់ម៉ូតូធំកម្លាំង ២៥០ cc ឡើង និងរថយន្ត។

ទម្រង់នៃការរៀបស៊ីឡាំង

In line engine ជាម៉ាស៊ីនដែលមានស៊ីឡាំងដំរៀបគ្នាមួយជួរ។

V-type engine ជាម៉ាស៊ីនដែលមានស៊ីឡាំងដំរៀបគ្នារាងជាអក្សរ V។

Opposed cylinder engine ជាម៉ាស៊ីនដែលមានស៊ីឡាំងដំរៀបគ្នា ហើយមានមូលដ្ឋានស្នូលរួម។

W-type engine ជាម៉ាស៊ីនដែលមានស៊ីឡាំងដំរៀបគ្នារាងជាអក្សរ W។

Opposite piston engine ជាម៉ាស៊ីនដែលមានប៊ីស្តុងដំរៀបគ្នា ហើយមានមូលដ្ឋានស្នូលរួម។
Radial engine ជាម៉ាស៊ីនដែលមានប៊ីស្តុងដំរៀបគ្នារាងជារង្វង់ និងមានមូលដ្ឋានស្នូលរួម ហើយម៉ាស៊ីនប្រភេទនេះប្រើសម្រាប់យន្តហោះ៕