ប្រពន្ធស្លាប់ ប្តីអត់ដាច់ចិត្តបូជា សុខចិត្តយកទៅក្លាស្សេ ដោយសារហេតុផល គួរឲ្យរំជួលចិត្ត

2017-08-22 02:06:11
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសរស់នៅក្នុងប្រទេសចិនម្នាក់ បានយកសាកសពប្រពន្ធរបស់ខ្លួនទៅក្លាស្សេ ដោយសង្ឃឹមថា នាងអាចមានជីវិតរស់ឡើងវិញម្ដងទៀត នៅពេលដែលបច្ចេកវិទ្យាឈានដល់ចំណុចកំពូលមួយ។

អ្នកស្រី Zhan Wenlian

សាកសពអ្នកស្រី Zhan Wenlian អាយុ ៤៩ ឆ្នាំ ដែលស្លាប់ដោយសារជំងឺមហារីកសួត ត្រូវបានរក្សាទុកនៅក្នុងសារធាតុអាសូតរាវ (Liquid Nitrogen) ក្នុងកម្រិតសីតុណ្ហភាព -១៩៦ អង្សាសេ នៅឯវិទ្យាស្ថានមួយកន្លែងក្នុងខេត្ត Shandong ប្រទេសចិន។

លោក Gui Junmin

បុរសជាប្ដីឈ្មោះ Gui Junmin អាយុ ៤៩ ឆ្នាំដូចគ្នា បានប្រាប់ឲ្យដឹងថា លោកបានសម្រេចចិត្តចេញពីសេចក្ដីស្រលាញ់ ហើយលោកជឿជាក់ថា អ្នកស្រី Zhan មិនមែនស្លាប់ទេ គឺគ្រាន់តែដេកលក់ប៉ុណ្ណោះ។ ជាមួយគ្នានេះដែរ លោក Gui បាននិយាយថា លោកស្ទាក់ស្ទើរក្នុងការអនុញ្ញាតឲ្យមនុស្សដែលលោកស្រលាញ់ចាកចេញទៅ និងមិនចង់ឃើញនាងត្រូវគេបូជាឡើយ។

យ៉ាងណាមិញ បុរសពោះម៉ាយខាងលើ ក៏បានបញ្ជាក់ឲ្យដឹងដែរថា ការយកសាកសពប្រពន្ធរបស់ខ្លួនទៅក្លាស្សេបែបនេះ មិនត្រឹមតែផ្ដល់អត្ថប្រយោជន៍ដល់គ្រួសាររបស់លោកប៉ុណ្ណោះទេ ថែមទាំងរួមចំណែកដល់ការអភិវឌ្ឍបច្ចេកវិទ្យាវេជ្ជសាស្ត្រទៀតផង។

គួរបញ្ជាក់ថា ការរក្សាសាកសពនេះ ត្រូវចំណាយប្រាក់ជាង ១ លានយ័ន (១៥០ ០០០ ដុល្លារ) ហើយដោយសារតែវាជាករណីដំបូងបង្អស់នៅក្នុងប្រទេសចិន ការចំណាយត្រូវរ៉ាប់រងដោយក្រុមជីវសាស្រ្ត Yinfeng Biological Group ទាំងស្រុងតែម្ដង៕

ចុចអាន៖

ប្រភព៖ Dailymail ប្រែសម្រួល៖ សេង ឡុង