អ្នកជំនាញ ៖ ឃាតករ៉ូបូត អាចជាអាវុធប្រល័យលោកជំនាន់ទីបីដ៏ខ្លាំង
- 2017-08-22 07:36:23
- ចំនួនមតិ 0 | ចំនួនចែករំលែក 0
អ្នកជំនាញ ៖ ឃាតករ៉ូបូត អាចជាអាវុធប្រល័យលោកជំនាន់ទីបីដ៏ខ្លាំង
ចន្លោះមិនឃើញ
មហាសេដ្ឋី Elon Musk រួមទាំងក្រុមនៃមេដឹកនាំផ្នែកបច្ចេកវិទ្យាចំនួន ១១៦ នាក់មកពី ២៦ ប្រទេសផ្សេងគ្នា បានផ្ញើសារទៅដល់អង្គការសហប្រជាជាតិព្រមានឃាតករ៉ូបូតដែលអាចជាអាវុធដ៏សាហាវព្រៃផ្សៃ។
នៅក្នុងសារដែលផ្ញើទៅអង្គការសហប្រជាជាតិបានព្រមានថា ៖ "អាវុធស្វ័យប្រវត្តិដ៏ខ្លាំងក្លាអាចនឹងក្លាយជាអាវុធប្រល័យលោកជំនាន់ទីបី (បន្ទាប់ពីអាវុធជាតិផ្ទុះ និង អាវុធនុយក្លេអ៊ែរ)”។ រថក្រោះស្វ័យប្រវត្តិ, កូនយន្តហោះ (Drone) និងម៉ាស៊ីនកាំភ្លើងគឺស្ថិតក្នុងចំណោមអាវុធដែលមេដឹកនាំបច្ចេកវិទ្យាទាំងនេះភ័យខ្លាចថានឹងនាំឲ្យកើតមានជាសង្គ្រាម ត្បិតថាបច្ចុប្បន្នបច្ចេកវិទ្យានេះមិនទាន់មានក្ដី។
សារដដែលក៏បានទទូចឲ្យអង្គការសហប្រជាជាតិហាមឃាត់ការបង្កើត និងប្រើប្រាស់ឃាតកបែបរ៉ូបូតនេះ និងដាក់បញ្ចូលពួកវាទៅក្នុងបញ្ជីអាវុធអសីលធម៌ ដែលក្នុងបញ្ជីនេះមានដាក់បញ្ចូលនូវឡាស៊ែរធ្វើឲ្យសត្រូវពិការភ្នែក និង អាវុធគីមីរួចមកហើយ។
ផ្អែកតាមវិបសាយអង្គការសហប្រជាជាតិឲ្យដឹងក្រុមដែលធ្វើការលើអាវុធរ៉ូបូតរបស់ខ្លួនបានកំណត់ថាជួបប្រជុំគ្នានៅថ្ងៃចន្ទ ប៉ុន្តែជំនួបនេះត្រូវបានរំសាយ ដោយលើកពេលទៅខែវិច្ឆិកាវិញ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
