មានរឿងអ្វីកើតឡើងនៅពេល ព្រាប សុវត្ថិ ជួបសម្ដេចតេជោ ហ៊ុន សែន ផ្ទាល់ៗបែបនេះ?

2017-08-22 08:34:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ឡើងច្រៀងលើឆាកនៅមុខទស្សនិកជនរាប់ពាន់នាក់ ព្រាប សុវត្ថិ គ្មានអារម្មណ៍ភ័យខ្លាចទេ តែពេលសម្ដេចតេជោ ហ៊ុន សែន ហៅឲ្យបញ្ចេញមតិយោបល់ក្នុងវេទិកាជាតិលើកទី២ស្ដីពី "ការការពារ និងអភិរក្សធនធានធម្មជាតិ" បែរជាភ័យញ័រខ្លួនទៅវិញ។

ព្រាប សុវត្ថិ បានលើកឡើងថា លោកសុំអភ័យទោសផង ព្រោះការឡើងមកកាន់វេទិកាថ្ងៃនេះ មិនបានគ្រោងទុកជាមុននោះទេ ដូច្នេះមានអារម្មណ៍ថាភ័យ និងញ័រ រកពាក្យអ្វីនិយាយមិនបាន។ លោកក៏បានថ្លែងអំណរគុណដល់វេទិកាជាតិលើកទី២ស្ដីពី "ការការពារ និង អភិរក្សធនធានធម្មជាតិ" ដែលបានអញ្ជើញសិល្បករឲ្យចូលរួម។

“ជម្រាបសួរពូ ជម្រាបសួររដ្ឋមន្ត្រី សុំទោសបាទមកពីខ្ញុំអត់មានគម្រោងទុកដល់អ៊ីចឹង ឡើងមកញ័រ អធ្យាស្រ័យលោកពូអញ្ជើញខ្ញុំមកអត់ដឹងនិយាយអំពីអ្វីនោះទេ"។ ព្រាប សុវត្ថិ បញ្ជាក់។

ក្រោយពីឃើញកំពូលតារាចម្រៀង ព្រាប សុវត្ថិ ភិតភ័យឡើងញ័រ ភ្លាមៗនោះសម្ដេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជា ក៏បានមានប្រសាសន៍ទៅកំពូលតារាចម្រៀងរូបនេះថា៖ "ឡើងច្រៀងខនសឺតម្ដងៗមនុស្សមើលរាប់ម៉ឺននាក់ តែមកចាញ់ច្រាបមនុស្សប៉ុន្មានរយនាក់ ប៉ុន្តែអត់អីទេឡើងមកបានប៉ុណ្ណឹងយកហើយ អរគុណ"៕

អត្ថបទ៖ ឆុង ស៊ីណាន