ចំណុចខ្លះៗ គួរដឹងមុនកម្មវិធី MTV VMAs 2017 ប្រារព្ធឡើងនៅថ្ងៃអាទិត្យនេះ!

2017-08-23 02:45:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ជិតដល់ពេលទៀតហើយ ដែលតារាល្បីៗសំណព្វរបស់អ្នកនឹងមកជួបជុំគ្នាហើយសម្ដែងលើឆាក MTV Video Music Awards 2017 ដែលនឹងមានទីតាំងនៅ Inglewood រដ្ឋ California។

MTV Video Msic Awards គឺជាកម្មវិធីប្រគល់ពានរង្វាន់ដល់វីដេអូចម្រៀងណាដែលល្អជាងគេ តាមផ្នែកនីមួយៗ។ កម្មវិធីនេះចាប់ផ្ដើមប្រារព្ធលើកដំបូងតាំងពីឆ្នាំ ១៩៨៤ មកម្ល៉េះ ដែលគិតមកដល់ពីនេះគឺខួបគម្រប់ ៣២ឆ្នាំហើយ

ហើយនេះគឺជាចំណុចខ្លះៗដែលអ្នកគួរដឹងមុនថ្ងៃនោះមកដល់!

ពេលវេលាកម្មវិធីចាប់ផ្ដើម

កម្មវិធីនេះនឹងចាប់ផ្ដើមនៅយប់ថ្ងៃអាទិត្យវេលាម៉ោង ៨ល្ងាចនៅសហរដ្ឋអាមេរិកគឺត្រូវនឹងម៉ោង ៧ព្រឹកថ្ងៃច័ន្ទសម្រាប់ប្រទេសកម្ពុជា។ ប៉ុន្ដែបើសិនជាអ្នកចង់មើលសំលៀកបំពាក់ស្អាតឡូយៗរបស់តារាៗដែលស្លៀកពាក់ចូលរួមកម្មវិធី អ្នកអាចទស្សនាកម្មវិធីកម្រាលព្រំក្រហម (Red Carpet Pre-Show) ដែលមានតារារ៉េប Lil Yachty ជាពិធីករចាប់ផ្ដើមម៉ោង៧ល្ងាចនៅអាមេរិកត្រូវនឹងម៉ោង៦ព្រឹកថ្ងៃច័ន្ទនៅកម្ពុជា។

អ្នកណាជាពិធីករ (Host) សម្រាប់កម្មវិធីនេះ?

Katy Perry

សម្រាប់ឆ្នាំនេះ Katy Perry នឹងចាត់ចែងធ្វើជាពិធីករសម្រាប់កម្មវិធី MTV VMAs ហើយតារាវ័យ ៣២ឆ្នាំរូបនេះក៏ចូលរួមសម្ដែងបទចម្រៀងផងដែរ។ មិនត្រឹមតែប៉ុណ្ណោះនាងក៏មានឈ្មោះដណ្ដើមរង្វាន់ចំនួន៥ដូចជា Best Collaboration, Best Pop, Best Direction, Best Art Direction និង Best Visual Effects។

អ្នកណាដែលត្រូវបានជាប់ឈ្មោះដណ្ដើមពានច្រើនជាងគេ?

Kendrick Lamar

សម្រាប់ឆ្នាំនេះកំពូលតារារ៉េប Kendrick Lamar ជាប់ឈ្មោះដណ្ដើមពានដល់ទៅ ៨ ឯណោះ ចំណែកឯ The Weeknd ជាប់ចំណាត់លេខ២ដូច Katy Perry ដែរគឺជាប់ឈ្មោះដណ្ដើម៥ពាន។

អ្នកណាខ្លះនឹងសម្ដែងលើឆាក?

សម្រាប់ឆ្នាំនេះនឹងមានតារាល្បីៗសម្ដែងដូចជា Miley Cyrus, Ed Sheeran, Lorde, Kendrick Larmar, Fifth Harmony, The Weeknd, Shawn Mendes, Thirty Seconds to Mars, Khalid, Post Malone, Gucci Mane, Julia Michaels និង Logic។

អ្នកណាដែលនឹងទទួលពានកិត្តិយសធំជាងគេ (Video Vanguard Award)?

P!nk

សម្រាប់ឆ្នាំនេះ P!nk នឹងទទួលបានពានកិត្តិយសនេះ ហើយនាងនឹងសម្ដែងបទចម្រៀងមួយបទគឺ "What About Us” ផងដែរ។

មានអ្វីភ្ញាក់ផ្អើលនឹងកើតឡើង?

Taylor Swift

ថ្មីៗនេះមានប្រភពប្រាប់ US Weekly ថា Taylot Swift មានគម្រោងនឹងចូលរួមកម្មវិធីនេះ បន្ទាប់ពីបញ្ចេញវីដេអូចម្រៀងថ្មី។ នេះគឺជារឿងមួយដែលធ្វើឲ្យអ្នកគាំទ្ររបស់នាងគ្រប់ទីកន្លែងរំភើបចិត្តជាខ្លាំង៕

អីចឹង! កុំភ្លេចតាមដានកម្មវិធីនេះទាំងអស់គ្នា!

អានអត្ថបទ៖

ប្រភព៖ Usmagazine ប្រែសម្រួល៖ ធារ៉ូ