មាន​មនុស្ស​ជាច្រើន​មាន​គំនិត​ផ្សេងៗ​ទៅ​តាម​ព័ត៌មាន​ដែល​ទទួល​បាន​សម្រាប់​ការ​ប្រៀបធៀប​រវាង​ស្មាតហ្វូន​ ​Android​ ​និង​ ​iPhone​ ​ដែល​ជា​ស្មាតហ្វូន​ ​និង​ប្រព័ន្ធ​ប្រតិបត្តិការ​ពេញ​និយម​ជាង​គេ​សម្រាប់​ការ​ប្រើប្រាស់​បច្ចុប្បន្ន​។ ជា​ទូទៅ​ iPhone​ ​មាន​តម្លៃ​ថ្លៃ​ជាង​ស្មាតហ្វូន​ ​Android​ ​ដែល​សូម្បី​តែ​មាន​នូវ​លក្ខណៈ​សម្បត្តិ​ស្រដៀង​គ្នា​ក៏​ដោយ​។ យ៉ាង​ណា​មិញ​ ​iPhone​ ​មាន​ដំណើរការ​រលូន​ ​និង​លឿន​ជាង​ស្មាតហ្វូន​ ​Android​ ​ជាមួយ​នឹង​ចំនួន​ ​RAM​ ​ដូចគ្នា​ ​ដែល​មាន​ន័យ​ថា​ iPhone​ ​ជា​មួយ​ ​RAM 2GB​ ​មាន​ដំណើរការ​លឿន​ជាង​ស្មាតហ្វូន​ ​Android​ ​RAM 2GB​ ​លើ​មុខងារ​ដូចគ្នា​។

ប្រសិនបើ​ប្រៀបធៀប​លើ​ ​Performance​ ​នៃ​ ​iPhone 7​ ​(RAM 2GB)​ ​ជាមួយ​នឹង​ ​Google Pixel​ ​(RAM 4GB)​ ​ឬ​ Samsung S7​ ​(RAM 4GB)​ ​អ្នក​នឹង​មិន​សូវ​ឃើញ​ពី​ភាព​ខុសគ្នា​នោះ​ឡើយ​ ​ខណៈ​ ​iPhone 6​ ​ជា​ស្មាតហ្វូន​ ​Perform ល្អ​បំផុត​កាល​ជំនាន់​របស់​វា​ដែល​មាន​ ​RAM​ ​ត្រឹម​ ​1GB។ ចុះ​តើ​ហេតុអ្វី​បាន​ជា​ ​ស្មាតហ្វូន​ ​Android​ ​ត្រូវការ​ ​RAM​ ​ច្រើន​ ហើយ​ហេតុអ្វី​បាន​ជា​ ​iPhone​ ​ទាមទារ​ ​RAM​ ​តិច​ជាង​ ​ស្មាតហ្វូន​ ​Android? ជា​រួម​ ​វា​ទាក់ទង​នឹង​កត្តា​ជា​ច្រើន​ ​ដែល​ជា​មូលដ្ឋាន​រួមមាន៖

១. Garbage collection

ករណី​ ​Android​ ​វា​មាន​នូវ​ ​Garbage collection​ ​ដែល​ទាមទារ​នូវ​មេម៉ូរី​ច្រើន​។ កម្មវិធី​ ​Android​ ​ប្រើប្រាស់​ ​Java​ ​ដូច្នេះ​ទើប​ ​Android​ ​មាន​នូវ​ ​Garbage collection។ បញ្ហា​របស់​ ​Garbage collection​ ​គឺ​ថា​ការ​ប្រើប្រាស់​មេម៉ូរី​មាន​ការ​កើន​ឡើង​ ​រហូត​ដល់​ពេល​ត្រូវ​ប្រមូល​ ​ដូច្នេះ​មាន​មេម៉ូរី​ជា​ច្រើន​ដែល​មិន​ចាំ​បាច់​ត្រូវ​បាន​បង្កើត​នឹង​រក្សា​ទុក​។ វា​មាន​ផល​អាក្រក់​លើ​ឧបករណ៍​ជា​មួយ​នឹង​ការ​កំហិត​មេម៉ូរី​ ​និង​គ្មាន​ជម្រើស​សម្រាប់​ប្ដូរ​។ ពេល​ ​Garbage collector​ ​ដំណើរការ​ ​វា​ធ្វើ​ការ​ ​Scan​ ​នូវ​ ​Head​ ​(ផ្នែក​រក្សា​ទុក​ ​Object​ ​របស់​មេម៉ូរី)​ ​ដើម្បី​ស្វែងរក​មេម៉ូរី​ដែល​មិន​ប្រើប្រាស់​ ​ហើយ​វា​ជា​ដំណើរការ​ធំ​ដែរ​ ​ដែល​ធ្វើ​ឲ្យ​ឧបករណ៍​យឺត​រហូត​ដល់​វា​បញ្ចប់​។

iPhone​ ​មិន​ប្រើប្រាស់​ ​Garbage Collection​ ​នោះ​ទេ​។ វា​ប្រើប្រាស់​ ​Automatic Reference Counting​ ​ដែល​ជា​វិធី​ដែល​មាន​ភាព​ច្នៃប្រឌិត​សម្រាប់​គ្រប់គ្រង​ ​Objects​ ​ជា​ច្រើន​របស់​ ​Objective-C​​ លើ​ ​iOS។ វា​មាន​តួនាទី​ដូចគ្នា​នឹង​ Garbage Collection​ ​ប៉ុន្តែ​ ​ARC​ ​មិន​ធ្វើការ​កាន់​កាប់​ ​Reference cycle​ ​ដោយ​ស្វ័យ​ប្រវត្តិ​នោះ​ទេ​។

២. User Interface

អ្នក​ប្រើប្រាស់​ ​Android​ ​ជា​ញឹកញាប់​មាន​ការ​រិះគន់​អំពី​ស្មាតហ្វូន​មាន​ដំណើរការ​យឺត​ ​ប៉ុន្តែ​ ​iOS UI​ ​ដំណើរការ​បាន​យ៉ាង​រលូន​។ ហេតុផល​សំខាន់​គឺ​ថា​ ​iOS UI​ ​កើតឡើង​ក្នុង​ ​Thread​ ​ដាច់​ដោយ​លែក​ជា​មួយ​នឹង​ ​Real-time priority​ ​ប៉ុន្តែ​លើ​ Android​ ​កើតឡើង​ក្នុង​ ​Main thread​ ​ជា​មួយ​នឹង​ ​Normal priority​ ​ដែល​មាន​ន័យ​ថា​ ​កម្មវិធី​ដទៃ​ទៀត​លើ​ ​Android​ ​ អាច​ប្រើប្រាស់​ ​Processor​ ​ច្រើន​លើស​ ​និង​ធ្វើ​ឲ្យ​មាន​ផល​ប៉ះពាល់​ដល់​ការ​ធ្វើ​ប្រតិបត្តិការ​ផ្សេងៗ​លើ​ ​UI​ ​ដែល​នាំ​ឲ្យ​ស្មាតហ្វូន​យឺត​។

៣. App management

Android​ ​អាច​ឲ្យ​ ​Developer​ ​ដំណើរការ​ ​Process​ ​ក្នុង​ ​Background​ ​តាម​ដោយ​ស៊េរី​ជាង​ ​iOS។ iOS​ ​ធ្វើ​ការ​បិទ​ Process​ ​ណា​មួយ​ពេល​វា​គិត​ថា​វា​មិន​ត្រូវការ​ដំណើរការ​ ​លើកលែង​តែ​ ​កម្មវិធី​ចាក់​បទចម្រៀង​ ​ឬ​កម្មវិធី​ស្រដៀង​នេះ​មាន​ ​Process​ ​ក្នុង​ ​Background​ ​មិន​បិទ​នោះ​ទេ​។ Android​ ​ផ្ដល់​នូវ​សេរីភាព​ទៅ​កាន់​ ​Developer​ ​ដែល​ពេល​ខ្លះ​អាច​បណ្ដាល​ឲ្យ​មាន​មេម៉ូរី​ ​Leaks​ ​លើ​ ​Background process​ ​ដែល​មាន​ន័យ​ថា​អ្នក​ត្រូវការ​ប្រយ័ត្ន​ពី​អ្វី​ដែល​អ្នក​ដំឡើង​លើ​ ស្មាតហ្វូន​ ​Android។ Android​ ​បាន​ព្យាយាម​គ្រប់គ្រង​លើ​ចំណុច​នេះ​ ​ដូចជា​ការ​បិទ​កម្មវិធី​ដែល​ប្រើប្រាស់​ ​CPU​ ​ ច្រើន​ពេក​ ​ប៉ុន្តែ​បញ្ហា​ទាំង​នេះ​នៅ​តែ​មើល​ដឹង​ដោយ​អ្នក​ប្រើប្រាស់​។ iOS​ ​មាន​ព្រំដែន​កំណត់​សម្រាប់​ ​Developers​ ​ដូច្នេះ​បញ្ហា​អាច​មាន​តិច​ជាង​។

៤. Hardware

iOS​ ​របស់​ ​Apple​ ​មាន​ដំណើរការ​យ៉ាង​ល្អ​ប្រសើរ​លើ​ ​Hardware​ ​របស់​ខ្លួន​ ​ដោយសារ​វា​ត្រូវ​បាន​រចនា​ ​និង​បាន​សាកល្បង​ដោយ​ ​Apple​ ​ហើយ​ផលិត​ដោយ​ក្រុមហ៊ុន​ដៃគូ​របស់​ ​Apple។ Android​ ​មិន​មាន​កម្រិត​គ្រប់គ្រង​បែប​នេះ​ទេ​ ព្រោះ​ ​Software OS developer​ ​ធ្វើការ​ដាច់​ដោយ​លែក​ពី​អ្នក​បង្កើត​ ​Hardware៕

ទទួល​បាន​ព័ត៌មាន​ថ្មីៗ គន្លឹះ​មាន​ប្រយោជន៍​រួម​ទាំង​ចំណេះដឹង​ផ្សេង​ៗ​ពី​បច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

• ពិចារណា​ប៉ុន្មាន​ចំណុច​នេះ មុន​ដាក់​ចិត្ត​ថា​​រង់​ចាំ​ទិញ iPhone 7s
• ក្បាល​រ៉ូប៊ីនេ​​​​ស្វ័យ​ប្រវត្តិ​និយម​ប្រើ​នៅ​ផ្សារ​ទំនើប ដំណើរ​ការ​ដូច​ម្ដេច?

ប្រភព៖ Technotification   ប្រែសម្រួល ​៖ ប៊ុន ធឿន