ធ្លាយដំណឹងថា HTC ចង់លក់ជំនួញទាំងអស់
- 2017-08-25 03:36:36
- ចំនួនមតិ 0 | ចំនួនចែករំលែក 0
ធ្លាយដំណឹងថា HTC ចង់លក់ជំនួញទាំងអស់
ចន្លោះមិនឃើញ
យោងតាមការចុះផ្សាយរបស់សារព័ត៌មាន Bloomberg ឲ្យដឹងថា HTC ដែលជាក្រុមហ៊ុនផលិតស្មាតហ្វូនដ៏ល្បីឈ្មោះមួយមានបំណងចង់លក់មួយផ្នែកតូច ឬ គ្រប់ផ្នែកទាំងអស់នៃជំនួញ។
HTC ធ្លាប់ទទួលបានកេរ្តិ៍ល្បីមិនស្ទើរទេតាមរយៈការបង្ហាញចេញស្មាតហ្វូនម៉ាក HTC ជាក់ស្ដែងដូចជា HTC One M7 ដែលចេញលក់កាលពីប៉ុន្មានឆ្នាំមុនជាដើម។ ដោយសារតែមានការប្រកួតប្រជែងពី Samsung និង Apple ជាដើម ធ្វើឲ្យ HTC ពិបាកនឹងគ្រប់គ្រងស្ថិរភាពរបស់ខ្លួន។ ប៉ុន្មានឆ្នាំនេះ HTC ក៏បានបាត់បង់បុគ្គលិកជាន់ខ្ពស់មួយចំនួនដែររួមមានលោក Peter Chou ដែលជានាយកប្រតិបត្តិ។
ក្រុមហ៊ុនតៃវ៉ាន់មួយនេះក៏មានចំណាប់អារម្មណ៍ផងដែរលើការលក់ជំនួញ VR ដែលបង្កើតឡើងដោយមានការជួយពីក្រុមហ៊ុន Valve។ ថ្មីៗនេះ HTC បានបញ្ចុះតម្លៃឧបករណ៍ VR របស់ខ្លួនដល់ ២០០ ដុល្លារដើម្បីទាក់ទាញអតិថិជន។
ទាក់ទងនឹងដំណឹងនៃការលក់ជំនួញនេះខាងក្រុមហ៊ុន HTC នៅមិនទាន់មានការឆ្លើយតបនោះទេ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
