សុគន្ធ ថេរ៉ាយុ ខ្លាចគូស្នេហ៍ប្រច័ណ្ឌ ក្រោយពីសរសើរ ទេព បូព្រឹក្ស ស្អាតដូចទេពអប្សរ

2017-08-26 09:45:33
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីលាន់មាត់សរសើរ ទេព បូព្រឹក្ស ថាមានសម្រស់ស្រស់ស្អាតដូចទេពអប្សរ មិនបានប៉ុន្មានម៉ោងផងស្រាប់តែ សុគន្ធ ថេរ៉ាយុ ភ័យបុកពោះខ្លាច រ៉ាប៊ី តារាចម្រៀងនៅក្រោមដំបូលផលិកម្មជាមួយគ្នាប្រច័ណ្ឌ។

សុគន្ធ ថេរ៉ាយុ និង រ៉ាប៊ី ដែលជាគូស្នេហ៍កំពុងមើលចិត្តថ្លើមគ្នា

សុគន្ធ ថេរ៉ាយុ បានប្រាប់ Sabay ថា លោកមានការព្រួយបារម្ភ ក្រោយពីលាន់មាត់សរសើរ ទេព បូព្រឹក្ស ថាស្រស់ស្អាតដូចទេពអប្សររួចមក ព្រោះនៅពេលនេះខ្លួនមិនមែនជាកំលោះបេះដូងនៅទំនេរដូចពេលមុនឡើយ។ កំពុងតែសិក្សាមើលចិត្តថ្លើមគ្នាទៅវិញទៅមកជាមួយ រ៉ាប៊ី។

“ខ្ញុំ និងរ៉ាប៊ី ស្គាល់គ្នាប្រហែល ២ ទៅ៣ ឆ្នាំហើយបង។ ខ្ញុំក៏ទទួលស្គាល់ដែរថា រូបខ្ញុំចាប់អារម្មណ៍ រ៉ាប៊ី ព្រោះគាត់ជានារីម្នាក់ស្រស់ស្អាតខ្លាំងណាស់។ ស្រីស្អាតបើបុរសមិនចាប់អារម្មណ៍ចប់ហើយបង"។ សុគន្ធ ថេរ៉ាយុ បញ្ជាក់។

សុគន្ធ ថេរ៉ាយុ ថា រ៉ាប៊ី ក្រៅពីមានរូបសម្បត្តិស្រស់ស្អាតហើយ នាងជាមនុស្សម្នាក់តែងតែជួយមនុស្សដែលនៅជុំវិញខ្លួន ម៉ត់ចត់ និងការងារ ជាពិសេសរឿងពេលវេលាតែម្ដង។ ចំណុចទាំងអស់នេះហើយដែលធ្វើឲ្យលោកចាប់អារម្មណ៍លើរូបនាង៕