ថៃជាប់ចំណាត់ថ្នាក់លេខ ៩ ក្នុងចំណោមប្រទេសមានភ្ញៀវទេសចរច្រើនជាងគេលើលោក

2017-08-28 13:59:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសថៃ ដែលជាប្រទេសភូមិផងរបងនឹងកម្ពុជា កាលពីថ្មីៗនេះបានក្លាយជាប្រទេសជាប់លេខ ៩ ក្នុងចំណោមប្រទេសដែលមានភ្ញៀវទេសចរជាច្រើនមកធ្វើការលេងកម្សាន្ត នេះបើតាមរបាយការណ៍ថ្មីចុងក្រោយរបស់ អង្គការទេសចរណ៍ពិភពលោក របស់អង្គការសហប្រជាជាតិ។

បើតាមរបាយការណ៍មួយនេះ ប្រទេសថៃបានបន្តការរីកចម្រើនរបស់ខ្លួនក្នុងវិស័យឧស្សាហកម្មគ្មានផ្សែងមួយនេះ ដោយបានលោតឡើងបានមួយចំណាត់ថ្នាក់ទៀត ពោលគឺពីលេខ ១០ មកលេខ៩ ក្នុងចំណោមប្រទេសមានភ្ញៀវទេសចរមកលេងច្រើនជាងគេលើលោក ដោយមានចំនួនភ្ញៀវទេសចររហូតដល់ទៅប្រមាណ ៣២.៦ លាននាក់។ បើនិយាយរឿងចំណូលវិញ ប្រទេសអាស៊ីអាគ្នេយ៍ដីគោកមួយនេះបានចំណេញយ៉ាងក្រាស់ក្រែលពីវិស័យមួយនេះផងដែរ ដោយប្រទេសមួយនេះអាចរកបានប្រាក់ចំណូលរហូតដល់ទៅ ៤៩.៩ប៊ីលាន ដុល្លារសហរដ្ឋអាមេរិក។

ចំណែកឯប្រទេសដែលមានចំណាត់ថ្នាក់លើប្រទេសថៃវិញ ភាគច្រើនជាប្រទេសលោកខាងលិច ខណៈប្រទេសចិន និងម៊ិចសិចកូផងដែរ ក៏មានឈ្មោះក្នុងបញ្ជីផងដែរ ហើយខាងក្រោមនេះជាទិន្នន័យប្រទេសទាំង ៩ ដែលមានភ្ញៀវទេសចរមកធ្វើការមកលេងកម្សាន្តច្រើនជាងគេលើលោក មានដូចតទៅ៖

១.ប្រទេសបារាំង៖ មានភ្ញៀវទេសចរ ៨២.៦ លាននាក់

២.សហរដ្ឋអាមេរិក៖ មានភ្ញៀវទេសចរ ៧៥.៦ លាននាក់

៣.អេស្ប៉ាញ៖ មានភ្ញៀវទេសចរ ៧៥.៦ លាននាក់

៤.ចិន៖ មានភ្ញៀវទេសចរ ៥៩.៣ លាននាក់

៥.អ៊ីតាលី៖ មានភ្ញៀវទេសចរ ៥២.៤ លាននាក់

៦.ចក្រភពអង់គ្លេស៖ មានភ្ញៀវទេសចរ ៣៥.៨ លាននាក់

៧.អាល្លឺម៉ង់៖ មានភ្ញៀវទេសចរ ៣៥.៦ លាននាក់

៨.ម៉ិកស៊ីកូ៖ មានភ្ញៀវទេសចរ ៣៥ លាននាក់

៩.ថៃ៖ មានភ្ញៀវទេសចរ ៣២.៦ លាននាក់

សូមបញ្ជាក់ផងដែរថា តារាងចំណាត់ថ្នាក់នេះធ្វើឡើងផ្អែកតាមទិន្នន័យឆ្នាំមុននៃវិស័យទេសចរណ៍ទូទាំងសកលលោក៕

ប្រភព៖ Coconut ប្រែសម្រួល៖ ហ៊ីម រស្មី