Mark Zuckerberg បានកូនស្រីម្នាក់ទៀតហើយ ឈ្មោះន័យខ្មែរថា សីហា

2017-08-29 03:20:47
ចំនួនមតិ 0 | ចំនួនចែករំលែក 0

ចន្លោះមិនឃើញ

គួរតែនិយាយថាអបអរសាទរសម្រាប់គ្រួសារស្ថាបនិកនៃបណ្ដាញសង្គម Facebook លោក Mark Zuckerberg ដែលភរិយារបស់គាត់លោកស្រី Priscilla Chan ទើបផ្ដល់កំណើតដល់កូនស្រីទីពីររបស់ពួកគេកាលពីថ្ងៃ ២៨ សីហា ២០១៧ នេះ។

កូនស្រីទីពីររបស់ Mark Zuckerberg មានឈ្មោះថា August ដែលដាក់លំនាំតាមខែកំណើតរបស់នាងក្នុងខែសីហា ២០១៧ នេះតែម្ដង។

ទន្ទឹមនឹងកំណើតកូនស្រីទីពីរនេះ លោក Mark Zuckerberg បានសរសេរសារជូនពរមួយចំនួនដល់កូនដែលមានអត្ថន័យសង្ខេបថា "ស្វាគមន៍មកកាន់ពិភពលោក ម្ដាយរបស់ឯង និងខ្ញុំពិតជាត្រេកអរយ៉ាងខ្លាំងដែលបានឃើញឯង ហើយពួកយើងនឹងធ្វើឲ្យវិស័យអប់រំ សុខភាពសាធារណៈ បច្ចេកវិទ្យា វិទ្យាសាស្ត្រឲ្យកាន់តែរីកចម្រើនដើម្បីធ្វើឲ្យការរស់នៅរបស់ក្មេងៗជំនាន់ពួកឯងកាន់តែអស្ចារ្យ” ។

បញ្ជាក់ផងដែរថា កាលពីកំណើតកូនស្រីទីមួយរបស់ Mark Zuckerberg គាត់បានបរិច្ចាគប្រាក់ប្រមាណ ៤៥ ប៊ីលានដុល្លារទៅកាន់មូលនិធិសប្បុរសធម៌ជាច្រើនដែលសម្រាប់ផ្គត់ផ្គង់វិស័យស្រាវជ្រាវ និងសុខាភិបាលជុំវិញពិភពលោក៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ facebook ប្រែសម្រួល៖ រដ្ឋ