Chelsea ទិញបានប្អូនបង្កើត Hazard បានម្នាក់ទៀតហើយ
- 2017-08-30 02:12:33
- ចំនួនមតិ 0 | ចំនួនចែករំលែក 0
Chelsea ទិញបានប្អូនបង្កើត Hazard បានម្នាក់ទៀតហើយ
ចន្លោះមិនឃើញ
ឈាមជ័ររបស់ Eden Hazard បានបន្ថែមក្នុងក្រុម Chelsea ម្នាក់ទៀតហើយ បន្ទាប់ពីក្លឹបបានប្រកាសថា ពួកគេទិញបាន Kylian Hazard មកចូលរួមនៅ Stamford Bridge។
ការមកដល់តោខៀវ ខ្សែបម្រើប្រយុទ្ធវ័យ២២ឆ្នាំចង់ដើរតាមគន្លងរបស់បងប្រុស Eden ដែលជាតារាសំខាន់ប្រចាំក្រុម ជួយក្រុមឈ្នះពាន Premier League ដល់ទៅ២ដង។ មុននឹង Kylian មកដល់ប្អូនប្រុសរបស់ Eden ម្នាក់ទៀតគឺ Thorgan Hazard ក៏ធ្លាប់មកលេងនៅ Chelsea ដែរ អំឡុងឆ្នាំ២០១២-១៥ ហើយបច្ចុប្បន្នត្រូវបានក្លឹបលក់ទៅឲ្យក្រុមនៅអាល្លឺម៉ង់ Mönchengladbach ប៉ុន្តែបើលេងលេចធ្លោនៅទីនោះ Thorgan អាចនឹងត្រលប់មកទឹកដីអង់គ្លេសវិញ។
Kylian Hazard បានផ្ទេរចេញពីក្លឹប Újpest Fcលេងក្នុងលីគប្រទេសប៊ុលហ្គារី បង្ហាញខ្លួន៤២ប្រកួត ហើយពេលនេះគេនឹងមកអភិវឌ្ឍន៍ខ្លួននៅ Stamford Bridge។ Kylian បានចាប់ផ្ដើមអាជីពបាល់ទាត់ដំបូងជាមួយក្លឹបនៅប្រទេសកំណើតបែលហ្សិក White Star Brussels បន្ទាប់មកចូលជាមួយក្រុម Zulte-Waregem។ គេចូលរួមជាមួយ Újpest Fc កាលពីឆ្នាំ២០១៥៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
