ប្រធានក្លឹប Liverpool ថាមិនដឹងរឿងលក់ Coutinho
- 2017-08-30 03:15:36
- ចំនួនមតិ 0 | ចំនួនចែករំលែក 0
ប្រធានក្លឹប Liverpool ថាមិនដឹងរឿងលក់ Coutinho
ចន្លោះមិនឃើញ
សាច់រឿងនៃការចាកចេញរបស់ Coutinho បានកើនកម្ដៅកាន់តែក្ដៅនៅថ្ងៃម្សិលមិញបន្ទាប់ពីមានព័ត៌មានថា ប្រធានក្លឹប Liverpool បានព្រមព្រៀងលក់រូបគេទៅកាន់ទឹកដី Nou Camp ហើយសាមីខ្លួនទម្លាយប្រាប់មិត្តរួមក្រុមជម្រើសជាតិប្រេស៊ីលថានឹងទៅអេស្ប៉ាញនៅសប្ដាហ៍នេះ។
ក្រោយលេចឭព័ត៌មានខាងលើ អ្នកគាំទ្រ Liverpool ជាច្រើនបានផ្ទុះកំហឹងជាមួយម្ចាស់ក្លឹបដោយប្រើពាក្យធ្ងន់ៗ។ អ្នកគាំទ្រម្នាក់បានសរសេរថា៖ “FSG គឺជាម្ចាស់ហ៊ុនចោលម្សៀតដែលតែងលក់កីឡាករឆ្នើមដើម្បីយកលុយទៅទិញកីឡាករថ្មី។ ក្លឹបរបស់យើងនឹងទៅមុខមិនរួចនោះទេ"។
ឃើញដូច្នោះលោក Peter Moore ដែលជា CEO មួយរូបរបស់ក្លឹបជើងឯកអង់គ្លេស១៨សម័យកាលបានឆ្លើយតបហាក់មិនដឹងអ្វីសោះពី ចចាមអារ៉ាមការផ្ទេរ Coutinho។ "ខ្ញុំសូមអភ័យទោស ប៉ុន្តែខ្ញុំពិតជាមិនដឹងថាអ្នកកំពុងនិយាយពីអ្វីទេ"។ Moore និយាយទៅកាន់អ្នកគាំទ្រ Liverpool រូបនោះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
