ស្រ្តី៧១ឆ្នាំ សុខចិត្តតែងខ្លួនជាតុក្កតាដើររកលុយ ក្រោយជួបរឿងអាក្រក់ នឹកស្មានមិនដល់ផ្ទួនៗ

2017-08-30 03:51:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ជារៀងរាល់ថ្ងៃ ស្ត្រីវ័យចំណាស់ម្នាក់នៅក្នុងខេត្ត Shandong នៃទីក្រុង Heze ប្រទេសចិន បានតែងខ្លួនជាតុក្កតា ដើរនៅតាមដងផ្លូវ ដើម្បីរកលុយខ្លះយកទៅព្យាបាលជំងឺកូនស្រី និងផ្គត់ផ្គង់គ្រួសារគួរឲ្យអាណិតបំផុត។

កាលពីឆ្នាំ២០០៧ ស្ត្រីឈ្មោះ Han បច្ចុប្បន្នអាយុ ៧១ ឆ្នាំ បានដឹងថា កូនស្រីរបស់ខ្លួនកើតមានជំងឺដុំសាច់ខួរក្បាល។ ក្រោយមក ស្ត្រីចំណាស់រូបនេះ បានចំណាយពេលសឹងមួយជីវិត ដើម្បីសន្សំលុយព្យាបាលកូនស្រី ប៉ុន្តែការព្យាបាលនោះ មិនអាចជួយសង្គ្រោះបានច្រើនឡើយ រហូតធ្វើឲ្យកូនស្រីរបស់អ្នកស្រី Han ពិការភ្នែក។

សោកនាដកម្ម បានកើតឡើងម្ដងហើយម្ដងទៀត រយៈពេលត្រឹមតែមួយឆ្នាំប៉ុណ្ណោះ ប្ដីអ្នកស្រីដែលជាកម្មករសំណង់ បានធ្លាប់ពីលើអគារ បណ្តាលឲ្យបាក់ជើងម្ខាង។ គួរឲ្យសោកស្ដាយ ក្រុមគ្រួសារមួយនេះមិនមានលុយ ដើម្បីចំណាយលើការវះកាត់ឡើយ។

ទោះបីជាយ៉ាងណា សំណាងអាក្រក់របស់គ្រួសារនេះ មិនបានឈប់ត្រឹមប៉ុណ្ណេះឡើយ។ កាលពីឆ្នាំមុន កូនប្រុសអ្នកស្រី Han បានក្លាយជាជនពិការ បន្ទាប់ពីជួបគ្រោះថ្នាក់មួយ។ ចុងក្រោយ អ្នកស្រី Han បានក្លាយជាក្ដីសង្ឃឹមតែមួយគត់សម្រាប់គ្រួសារ ដោយអ្នកស្រីគ្មានជម្រើសឡើយ ហើយត្រូវតែងខ្លួនជាតុក្កតា ដើរនៅតាមដងផ្លូវ ឬ ផ្សារ ដើម្បីឲ្យគេថតរូបជាមួយ ដោយគិតថ្លៃសេវាត្រឹមតែ ៩ យ័ន ឬស្មើនឹង ៥ ០០០ រៀលប៉ុណ្ណោះ៕

ចុចអាន៖

ប្រភព៖ Shanghaiist ប្រែសម្រួល៖ សេង ឡុង