ស្ងាត់ៗ! សូហ្វតេន្នីសកម្ពុជា កាន់មេដាយប្រាក់ពីព្រឹត្តិការណ៍ដ៏ធំពីកូរ៉េ

2017-08-31 02:45:36
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីម្សិលមិញនេះក្រុមកីឡា សូហ្វតេន្នីសកម្ពុជា បាននាំយកមេដាយប្រាក់ពីព្រឹត្តិការណ៍ 2017 Korea Cup International Soft Tennis Tournament កម្រិតទី២ ដែលបានរៀបចំឡើងនៅប្រទេសកូរ៉េខាងត្បូង។

លោក ជា ប៊ុនហេង

បើតាមសម្ដីលោក ជា ប៊ុនហេង អគ្គលេខាធិការសហព័ន្ធកីឡាសូហ្វតឺន្នីសកម្ពុជាបានឲ្យដឹងថា ព្រឹត្តិការណ៍នេះគឺជាការបង្កើតឡើងលើកទី១ ខណៈមេដាយប្រាក់ដែលកម្ពុជាដណ្ដើមបាននេះប្រកួតលើវិញ្ញាសាវាយក្រុមនារី។ លោកមើលឃើញថា ប្រភេទកីឡាមួយនេះកំពុងមានការរីកចំរើនជាបន្ទាប់ៗ ដោយសារមានការខិតខំប្រឹងប្រែងរបស់សហព័ន្ធសូហ្វតេន្នីសកម្ពុជា។

លោកបន្ថែមថា អ្វីដែលជាចំណុចចាប់អារម្មណ៍ខ្លាំងបំផុតនោះ ពេលនេះ សូហ្វតេន្នីសកម្ពុជា ស្ថិតនៅលេខរៀងទី ១០ ក្នុងចំណោម ៤៥ ប្រទេសដែលជាសមាជិករបស់កីឡា សូហ្វតេន្នីសលើពិភពលោក។ សហព័ន្ធរបស់លោកអះអាងថា និងបន្តខិតខំប្រឹងប្រែងបន្ថែមទៀត ដើម្បីបង្កើនកម្រិតសមត្ថភាពកីឡាករឲ្យខិតទៅរកចំណាត់ថ្នាក់ល្អជាងនេះ។

ក្នុងព្រឹត្តិការណ៍ 2017 Korea Cup International Soft Tennis Tournament នេះមាន ១៥ប្រទេសចូលរួម សម្រាប់វគ្គពាក់កណ្ដាលផ្ដាច់ព្រ័ត្រក្រុម សូហ្វតេន្នីសកម្ពុជា បានយកឈ្នះក្រុមមកពីប្រទេស ឥណ្ឌូណេស៊ី និងឡើងទៅវគ្គផ្ដាច់ព្រ័ត្រចាញ់ប្រទេស ហ្វីលីពីន ៕