Arsenal ដេញថ្លៃញាក់សាច់ ដើម្បីទិញខ្សែបម្រើ Lemar ពីក្លឹប Monaco
- 2017-08-31 14:34:58
- ចំនួនមតិ 0 | ចំនួនចែករំលែក 0
Arsenal ដេញថ្លៃញាក់សាច់ ដើម្បីទិញខ្សែបម្រើ Lemar ពីក្លឹប Monaco
ចន្លោះមិនឃើញ
ថ្ងៃនេះក្លឹបកាំភ្លើងធំ Arsenal បន្ទាប់ពីលក់ខ្សែបម្រើ Alex Oxlade-Chamberlain បានជាង ៤០លានផោន ពេលនេះបានដេញថ្លៃរហូតដល់ ៩០លានផោន ដើម្បីទិញខ្សែបម្រើលេងបានច្រើនកន្លែង Thomas Lemar ពីក្លឹបជើងឯកលីគកំពូលបារាំងរដូវកាលមុន Monaco។
ការដេញថ្លៃនេះធ្វើឡើងបន្ទាប់ពី ក្លឹបមហាសេដ្ឋី Manchester City ធ្វើការដេញថ្លៃទៅ Arsenal ជាលើកទី២ដែលក្នុងតម្លៃ ៦០លានផោន ដើម្បីទិញខ្សែប្រយុទ្ធស្លាប Alexis Sanchez។ បើតាម Daily Mail ក្លឹបកាំភ្លើងធំ តាមទិញខ្សែបម្រើបារាំង Thomas Lemar ដើម្បីមកជំនួស Sanchez ដែលអាចនឹងចាកចេញពីក្លឹបយក្សអង់គ្លេសមួយនេះ ទៅក្លឹប Manchester City ក្នុងរដូវកាលនេះ។ ម្យ៉ាងទៀត ការតាមទិញ Lemar ដោយក្លឹបយក្សទីក្រុងឡុងដុង Arsenal នេះផងដែរ គឺធ្វើឡើងដើម្បីចង់ឲ្យអ្នកគាំទ្រខ្លួនស្ងប់ចិត្តផងដែរ ព្រោះ Arsenal មិនមានកេរ្តិ៍ឈ្មោះក្នុងការនាំចូលកីឡាករថ្លៃៗនោះទេ។
ការដេញថ្លៃលើកនេះជាលើកទី៤ ហើយសម្រាប់ Arsenal ដើម្បីតាមទិញកីឡាករសញ្ជាតិបារាំងរូបនេះ បន្ទាប់ពីការដេញថ្លៃ ៣លើកទៀតត្រូវបានទទួលបរាជ័យ ដោយសារ ក្លឹប Monaco បដិសេធ។ ចំណែករឿងក្លឹបយក្ស Manchester City ដេញថ្លៃ ខ្សែប្រយុទ្ធស្លាបវ័យ ២៨ឆ្នាំ Sanchez វិញ ជាការដេញថ្លៃថ្មីមួយទៀតក្នុងថ្ងៃនេះ បន្ទាប់ពីការដេញថ្លៃលើកទី ១ ក្នុងតម្លៃ ៥០លានផោនត្រូវបានបដិសេធដោយក្លឹបកាំភ្លើងធំកាលពីប៉ុន្មានថ្ងៃមុននេះ។ ក្លឹបយក្សរបស់ Manchester មួយនេះ បានតាមទិញកីឡាករសញ្ជាតិស៊ី លីរូបនេះ យ៉ាងប្រកិត បើទោះជា Arsenal កន្លងមកនិយាយហើយនិយាយទៀតថាមិនលក់យ៉ាងណាក៏ដោយ៕