ស្ងាត់ៗ ការប្រកួតជើងឯក E-Sports ថ្នាក់ជាតិជិតចាប់ផ្តើមហើយ

2017-09-01 03:06:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍ប្រកួតជើងឯកកីឡាអេឡិចត្រូនិកថ្នាក់ជាតិប្រចាំឆ្នាំ២១៧ជិតចាប់ផ្តើមហើយ បន្ទាប់ពីកីឡាមួយប្រភេទស្ងប់ស្ងាត់មួយរយៈពេលក្រោយក្រុមកីឡាអេឡិចត្រូនិកកម្ពុជាឈ្នះជើងឯកអន្តរជាតិ MATIC ប្រចាំឆ្នាំ២០១៧កាលពីដើមឆ្នាំកន្លងទៅនេះ។

ឯកឧត្តម វ៉ាត់ ចំរើន (កណ្តាល) អធិបតីក្នុងវគ្គផ្តាច់ព្រ័ត្រ

តាមការឲ្យដឹងពីសហព័ន្ធកីឡាអេឡិចត្រូនិកកម្ពុជាថា ការប្រកួតប្រកួតជ្រើសរើសជើងឯកកីឡាអេឡិចត្រូនិកថ្នាក់ជាតិ (National E-Sport Tournament 2017 (N.E.T 2017) នឹងចាប់ផ្តើមនាពេលដ៏ខ្លីខាងមុខនេះ។ ការប្រកួតនឹងកាន់តែអធិកអធម ភាពទាក់ទាញ និងប្រព្រឹត្តទៅទូទាំងប្រទេសតែម្តង ប៉ុន្តែសហព័ន្ធកីឡាទំនើបមួយនេះមិនទាន់ប្រកាសកាលបរិច្ឆេទនៅឡើយទេ។ សូមកីឡាករ និងអ្នកនិយមតាមដានកីឡា E-Sports ត្រៀមខ្លួន និងរង់ចាំចូលរួមប្រកួតប្រជែងទាំងអស់គ្នា។

ក្រុម Successful លេខ១

នៅចាំបានថា ការប្រកួត ការប្រកួតប្រកួតជ្រើសរើសជើងឯកកីឡាអេឡិចត្រូនិកថ្នាក់ជាតិកាលពីឆ្នាំ២០១៦កន្លងទៅបានចាប់ពីថ្ងៃទី១៥ខែតុលាកន្លងទៅក្នុងចំណោម២២ខេត្តក្រុងរហូតដល់ថ្ងៃទី២៧ ខែវិច្ឆិកាទើបដែលវគ្គផ្តាច់ព្រ័ត្រធ្វើនៅ ទីស្នាក់ការនៃគណៈកម្មាធិការជាតិអូឡាំពិកកម្ពុជា។

ឆ្នាំចាស់កន្លងទៅសម្រាប់វិញ្ញាសា AK 2 ជើងឯកឆ្នាំចាស់គឺ Successful ទទួលបានពាន១ និងប្រាក់រង្វាន់២ពាន់ដុល្លារអាមេរិក និងជើងឯករកបានទៅក្រុម NeverCare ទទួលបានប្រាក់រង្វាន់១ពាន់ដុល្លារអាមេរិក ខណៈលេខ៣បានទៅក្រុមSecret។

ចំពោះវិញ្ញាសា DOTA 2 ជើងឯកបានទៅក្រុម IQ ទទួលបានប្រាក់៦០ម៉ឺនរៀល និងជើងឯករងបានទៅក្រុម XP ទទួលបានប្រាក់៣៦ម៉ឺនរៀល។

ក្រុម XP លេខ២

អ្វីដែលអស្ចារ្យសម្រាប់កីឡា E-Sports កម្ពុជាគឺក្រុម NeverCare ដែលជាជើងឯករងថ្នាក់ជាតិ ប៉ុន្តែបានឈ្នះជើងពីការប្រកួតកីឡាអេឡិចត្រូនិកអន្តរជាតិ MATIC 2017។ ដូច្នេះម្ចាស់ជើងឯក និងជើងឯករងថ្នាក់ជាតិឆ្នាំនេះត្រូវការពារជើងឯក MATIC នៅឆ្នាំ២០១៨៕