លម្អិតពីការកុម្ម៉ង់ NOTE 8 នៅខ្មែរ ថោកជាងអាមេរិក ២០០ ដុល្លារ ហើយមានថែមរបស់ទៀត
- 2017-09-01 10:54:07
- ចំនួនមតិ 0 | ចំនួនចែករំលែក 0
លម្អិតពីការកុម្ម៉ង់ NOTE 8 នៅខ្មែរ ថោកជាងអាមេរិក ២០០ ដុល្លារ ហើយមានថែមរបស់ទៀត
ចន្លោះមិនឃើញ
Samsung បានបើកឲ្យមានការកុម្ម៉ង់ទុកមុនសម្រាប់កំពូល Smartphone របស់ខ្លួននៅកម្ពុជាហើយ ចាប់ពីថ្ងៃទី៤-២២ កញ្ញានេះ ដោយតម្លៃវិញត្រឹមតែ ៩១៩ដុល្លារប៉ុណ្ណោះ ហើយការកុម៉្មង់ Note 8 ពណ៌ខ្មៅ ឬពណ៌មាស ១គ្រឿង ថែមកាស Samsung U-Flex និងស៊ីមលេខពិសេសរបស់ Smart ឲ្យមួយផងដែរ។
សម្រាប់លក្ខខណ្ឌវិញ ម្នាក់កុម្ម៉ង់បានតែមួយគ្រឿងប៉ុណ្ណោះ ហើយត្រូវតម្កល់អត្តសញ្ញាណប័ណ្ណ និងលុយ ១៩ដុល្លារ។ ចំណែកទីតាំងវិញគឺអាចរកបានគ្រប់ដេប៉ូចែកចាយរបស់ Samsung ដែលមានស្លាកសម្គាល់ “PRE-ORDER HERE” ដោយការកុម្ម៉ង់នៅភ្នំពេញនឹងទទួលបានទូរសព្ទនៅថ្ងៃទី២៩ កញ្ញា ហើយតាមខេត្តនឹងបាននៅថ្ងៃបន្ទាប់។
សូមបញ្ជាក់ផងដែរថាតម្លៃនៅកម្ពុជានេះ គឺថោកជាងនៅអាមេរិកដល់ទៅជិត ២០០ដុល្លារ ដោយនៅទីនោះមានតម្លៃ ១ ១០០ដុល្លារ។ សម្រាប់ព័ត៌មានបន្ថែមទាក់ទងទៅលេខ ១៨០០-២០៣២៣២ ឬចូលទៅផេកហ្វេសប៊ុក Samsung Mobile Cambodia៕