ពិតទេ កូរ៉េខាងជើង ផលិតបានគ្រាប់បែកនុយក្លេអ៊ែរអ៊ីដ្រូហ្សែន?

2017-09-03 02:05:03
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃសៅរ៍ ម្សិលមិញនេះ កូរ៉េខាងជើងបានអះអាងថា ខ្លួនផលិតបានអាវុធនុយក្លេអ៊ែរ ដែលមានកម្រិតកាន់តែខ្ពស់ និងមានអំណាចអាចបំផ្លិចបំផ្លាញយ៉ាងអស្ចារ្យ។

រូបថតជាច្រើនសន្លឹកបង្ហាញឲ្យឃើញ មេដឹកនាំកូរ៉េខាងជើង លោក គីម ជុងអ៊ុន កំពុងពិនិត្យមើលគ្រាប់បែកអ៊ីដ្រូហ្សែន ដែលនឹងត្រូវយកទៅ បំពាក់លើក្បាលមីស៊ីលឆ្លងទ្វីបថ្មី។

អំណាចរបស់គ្រាប់បែកអ៊ីដ្រូហ្សែននោះអាចលៃតម្រូវបាន ហើយក៏អាចបំផ្ទុះនៅលើកម្ពស់ខ្ពស់ទៀតផង ខណៈប្រទេសផ្ដាច់ការមួយនេះ អះអាងថា ខ្លួនអាចផលិតអាវុធនុយក្លេអ៊ែរជាច្រើនតាមដែលខ្លួនចង់បាន។

ការអភិវឌ្ឍអាវុធនុយក្លេអ៊ែរថ្មីនេះ បានកើតឡើងចំពេលដែលមានភាពតានតឹងកាន់តែខ្លាំង បន្ទាប់ពីការបាញ់គ្រាប់មីស៊ីលរបស់ទីក្រុងព្យុងយ៉ាង កាលពីខែកក្កដា ដែលអាចធ្វើឲ្យប៉ះពាល់ដល់ទីក្រុងធំៗនៅអាមេរិក។

ជាមួយគ្នានេះដែរ កូរ៉េខាងជើង ក៏បានថ្កោលទោសមេដឹកនាំពិភពលោក កាលពីថ្ងៃសៅរ៍ ដោយហៅពួកគេថាជា «អាយ៉ង» និងអួតថា ការប៉ុនប៉ងដើម្បីកំណត់ទីតាំង និងបំផ្លាញមីស៊ីលរបស់ខ្លួន គឺជា «សុបិនដ៏ល្ងង់ខ្លៅ»៕

ចុចអាន៖

ប្រភព៖ Dailymail ប្រែសម្រួល៖ សេង ឡុង