Dell Inspiron 7000 ពេលនេះមានជម្រើស VGA ដល់ GTX 1060
- 2017-09-03 08:14:36
- ចំនួនមតិ 0 | ចំនួនចែករំលែក 0
Dell Inspiron 7000 ពេលនេះមានជម្រើស VGA ដល់ GTX 1060
ចន្លោះមិនឃើញ
ក្រុមហ៊ុន Dell បានធ្វើការអាប់ដេតថ្មីលើកុំព្យូទ័រប្រភេទ Gaming Inspiron 15 7000 ដោយធ្វើការកែសម្រួលលើក្រាហ្វិក, រន្ធតភ្ជាប់ និង កែប្រែរូបរាងបន្តិចបន្តួច។
លក្ខណៈសម្បត្តិភាគច្រើនគឺដូចគ្នាទៅនឹងម៉ូដែលមុនដែរ ដោយមានជម្រើស CPU Intel Core i5-7300HQ ជំនាន់ទី ៧ ឬ Intel Core i-7 7700HQ, អេក្រង់កម្រិត 1080p ឬ 4K, RAM ចន្លោះពី ៤ GB ទៅ ៣២ GB និងជម្រើសអង្គផ្ទុកទិន្នន័យប្រភេទ SSD និង HDD ជាច្រើនជម្រើសផងដែរ។
ចំណុចប្រែប្រួលខ្លាំងជាងគេគឺលើក្រាហ្វិក ព្រោះថាម៉ូដែលបច្ចុប្បន្នក្រាហ្វិកត្រឹម Nvidia GTX 1050 Ti គឺធំជាងគេ ប៉ុន្តែចុងក្រោយគេនេះបានបន្ថែមជម្រើសដល់ GTX 1060 Max-Q 6 GB ឯណោះ។ យ៉ាងណាក្ដី Dell បានសម្រេចចិត្តបន្ថយទំហំថ្មមកនៅត្រឹម 4-Cell ៥៦ វ៉ាត់ម៉ោងវិញ ដើម្បីទប់ទល់នឹងកម្ដៅដែលភាយចេញពីក្រាហ្វិកដ៏ខ្លាំងនេះ។
ក្រៅពីបន្ថែមកម្លាំងក្រាហ្វិក និង កាត់បន្ថយទំហំថ្ម ចំណុចគួរឲ្យចាប់អារម្មណ៍មួយទៀតគឺនៅត្រង់រូបរាង ដោយផ្នែកខាងក្រោយនៃកុំព្យូទ័របានរចនារូបរាងថ្មីជាលក្ខណៈខ្សែបន្ទាត់ជាជួរៗ។ កុំព្យូទ័រនេះមានរន្ធ HDMI, USB 3.1, រន្ធដោត SD Card និង រន្ធ USB Type-C។ មានកម្រាស់ ២,៤ ស.ម និង មានទម្ងន់ ២,៦៥ គីឡូក្រាម។
Inspiron 15 7000 Gaming នេះនឹងមានលក់លើទីផ្សារបរទេសនៅថ្ងៃទី ១២ ខែកញ្ញាដោយមានតម្លៃចាប់ពី ១០០០ ដុល្លារសម្រាប់ប្រភេទអេក្រង់ 1080p និង ១៥០០ ដុល្លារសម្រាប់អេក្រង់ 4K៕