មិនចង់ទិញកាសចោលលុយទទេៗ មើល ៣ ចំណុចដ៏សំខាន់ កុំរំលងឲ្យសោះ
- 2017-09-06 01:45:46
- ចំនួនមតិ 0 | ចំនួនចែករំលែក 0
មិនចង់ទិញកាសចោលលុយទទេៗ មើល ៣ ចំណុចដ៏សំខាន់ កុំរំលងឲ្យសោះ
ចន្លោះមិនឃើញ
ចង់ទិញកាសមួយដែលត្រូវចិត្ត មិនមែនជារឿងងាយទេ បើអ្នកពុំបានពិនិត្យឲ្យបានដិតដល់។ មិនថាកាសតម្លៃថោកឬថ្លៃ ហានិភ័យតែងមានដូចគ្នា គ្រាន់ខ្ពស់ទាបទៅតាមនោះ។ Sabay សម្គាល់ឃើញ ៣ ចំណុចធំៗកាសបច្ចុប្បន្ន រមែងជួបបញ្ហាខ្លាំងបំផុត បើមិនបានត្រួតពិនិត្យនៅពេលទិញ។
១.ស្ដាប់ឮទាំងឆ្វេងនិងស្ដាំឬអត់?
ក្រៅពីគុណភាពសំឡេងអ្នកខ្លះច្រើនរំលងចំណុចនេះ នៅពេលដែលអ្នកលើកកាសមកស្ដាប់ទាំងសងខាង ជួនកាលអ្នកមិនចាប់អារម្មណ៍ថាមានម្ខាងខូចនោះទេ។ ម្ល៉ោះហើយអ្នកគួរលើកស្ដាប់ម្ដងមួយ ទាំងឆ្វេងនិងស្ដាំ តើវាមានបញ្ហាឬអត់? (កាសធូរថ្លៃភាគច្រើន ផ្នែកខាងឆ្វេងរមែងអត់លឺសំឡេង)។
២.ត្រួតពិនិត្យ Mic ឬ Microphone
គ្រប់កាសទាំងអស់រមែងមានរន្ធស្រូបសំឡេង ដែលពាក្យបច្ចេកទេស Microphone ឬយើងហៅថា Mic។ ពិតណាស់ Mic ខ្លះ អាចស្រូបសំឡេងឮ ប៉ុន្តែវាច្រើនមានបញ្ហាឮសំឡេងរំខាន (សំឡេងរ៉ែ) ដែលជាបញ្ហានៃកាស មិនមែនបញ្ហាសំឡេងបរិវេណខាងក្រៅឡើយ។
អាចតេស្តមើល ដោយចូលទៅកាន់កន្លែងថតវីដេអូ ហើយចុចថតដោយកុំនិយាយអ្វីទាំងអស់។ នៅពេលបើកស្ដាប់បើវាឮសំឡេងខ្យល់ធម្មតាមិនអីទេ តែបើឮសំឡេងរ៉ែប្លែកខុសពីធម្មតា នោះគឺជាបញ្ហាហើយ។
៣.ពិនិត្យប៊ូតុង
នៅលើកាស ច្រើនមានប៊ូតុងចុចបិទបើកសំឡេង, ប៊ូតុង Start/Pause ដែលវាសុទ្ធសឹងតែយើងចាំបាច់ត្រូវប្រើប្រាស់។ ច្រើនគ្នាណាស់រំលងនូវចំណុចនេះ ព្រោះគិតថាឲ្យតែគុណភាពសំឡេងល្អ គឺទុកចិត្តហើយ ប៉ុន្តែវាមិនដូច្នោះទេ អ្នកគប្បីត្រូវសាកល្បងចុចប៊ូតុងទាំងនោះឲ្យបានអស់សព្វគ្រប់។ តើវាមានបញ្ហាឬរអាក់រអួលដែរឬទេ?
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
