Audi Q5 ស៊េរី ២០១៧ ទើបចេញលក់ប៉ុន្មានខែមុន មកដល់ខ្មែរបាត់

2017-09-05 02:27:51
ចំនួនមតិ 0 | ចំនួនចែករំលែក 0

ចន្លោះមិនឃើញ

កន្លងមកប្រិយមិត្តបានដឹងខ្លះៗរួចមកហើយពីរូបរាងនៃរថយន្ត Audi Q5 ស៊េរី ២០១៧ ដែលក្រុមហ៊ុន Audi បានប្រកាសដាក់លក់នៅទូទាំងពិភពលោក កាលពីប៉ុន្មានខែមុន។ ពេលនេះរថយន្តស៊េរីថ្មីនេះ បានមកដល់ទីផ្សារប្រទេសកម្ពុជា ជាមួយនឹងជម្រើសពីរប្រភេទគឺ ប្រភេទ S line និងប្រភេទ S line sport។

Audi Q5

រថយន្ដ Audi Q5 2.0 TFSI quattro ពីរម៉ូឌែលស៊េរីឆ្នាំ ២០១៧ នេះមានលក្ខណៈពិសេសៗ ដូចខាងក្រោម៖

ការរចនារូបរាង

តួខ្លួនរថយន្ត SUV ស៊េរីថ្មីនេះ ធ្វើឡើងអំពីដែកថែប និងដែកអាលុយមីញ៉ូមយ៉ាងពិសេស មានការបន្ថែមភាពរឹងមាំលើចំណុចបន្ទេរកម្លាំងពីប្រព័ន្ធហ្រ្វាំង និងម៉ាស៊ីន ទៅតួរថយន្តដែលធ្វើឱ្យការចាប់ហ្រ្វាំងប្រកបដោយ ឌីណាមិច និងរស់រវើក។ និងមានពណ៌ដល់ទៅ ១៤ ជម្រើសខុសៗគ្នា។
ទ្វាររថយន្ត បំពាក់ដោយដែកអាលុយមីញ៉ូម** ដែលមានរាងបួនជ្រុង ហើយមានប្រវែងស្មើនឹងគែមមាត់ទ្វាររថយន្ត រឹងមាំធ្វើឲ្យផ្នែកខាងក្រៅរថយន្ដ កាន់តែទាក់ទាញ។
រង្វង់កង់រឹងមាំ មានបំពាក់មកជាមួយបច្ចេកវិទ្យា Quattro លើកង់ទាំងបួន សមត្ថភាពខ្លាំងអាចបើកបរលើដីរដិបរដុប និងឡើងចំណោតដោយគ្មានបញ្ហា។
ចង្កៀងបំភ្លឺខាងមុខរថយន្ត ជាខ្សែបន្ទាត់ភ្លើងឌីណាម៉ិច អាចបង្កើតជាផ្លាកសញ្ញា Audi យ៉ាងទាក់ទាញ បំពាក់មកជាមួយបច្ចេកវិទ្យាភ្លើងហ្វា LED ដែលមានមុខងារបញ្ចេញពន្លឺយ៉ាងពិសេស ពោលគឺ អាចកំណត់ពន្លឺភ្លឺខ្លាំង ឬតិចអាស្រ័យលើស្ថានភាពផ្លូវដូចជា ផ្លូវធម្មតា ផ្លូវកោង ផ្លូវមមាញឹក ឬផ្លូវដែលមានអាកាសធាតុមិនល្អជាដើម។
ផ្នែកខាងក្នុងរថយន្ត មានកន្លែងធំទូលាយសម្រាប់ផ្ទុកមនុស្សចំនួន 5 នាក់ បំពាក់ម៉ាស៊ីនត្រជាក់ស្វ័យប្រវត្តិ ឧបករណ៍តម្រង់ដែលមានសារធាតុធ្យូងសកម្មស្រូបយកក្លិន និងច្រោះចេញនូវសារធាតុភាគល្អិតតូចបាន។
ដៃចង្កូតរថយន្ត ធ្វើអំពីស្បែកប្រកបដោយមានភាពស្ដង់ដារ និងមានចង្កឹះលេខ ចំពោះរថយន្ដប្រភេទ Sport និង Design lines។
ឯកៅអីខាងមុខ អាចលៃតម្រូវដោយប្រព័ន្ធអេឡិចត្រូនិក ដែលរួមបញ្ចូលទាំងផ្នែករបស់កៅអីផងដែរ។ សម្រាប់ប្រភេទស្ព័រ មានកៅអីស្ព័រនៅខាងមុខ។ ឯកៅអីខាងក្រោយ រចនាឡើងជាបីផ្នែក អាចបត់បាន នៅពេលដល់ទីងងឺត វាអាចបញ្ចេញពន្លឺបាន 30 ពណ៌ផ្សេងៗគ្នា។
ផ្នែកខាងក្រោយរថយន្ត អាចផ្ទុកបរិមាណឥវ៉ាន់ធម្មតាពីកម្រិត 550 ទៅ 610 លីត្រ ដែលមានបរិមាណចំណុះលើសពីម៉ូដែលស៊េរីមុនចំនួន 10 លីត្រ។ នៅពេលដែលគម្របខាងក្រោយរថយន្តបានបិទ បរិមាណផ្ទុកនេះនឹងកើនដល់ 1,500 លីត្រ ដែលអាចផ្ទុកទំនិញ ឬឥវ៉ាន់ មានភាពងាយស្រួលជាដើម។

កម្លាំងម៉ាស៊ីន

Audi Q5 2.0 TFSI មានកម្លាំងម៉ាស៊ីន 185 kW/252 សេះ
Audi Q5 អាចបង្កើនសន្ទុះពី 0 ទៅ 100 គមក្នុងរយៈពេលត្រឹមតែ 6.3 វិនាទី។
កម្រិតស៊ីប្រេងបញ្ចូលគ្នាគិតជា ល/100 គម៖ 6.9 (កង់ 17 អ៊ីង) 6.8 (កង់ 18 អ៊ីង)
កម្រិតកាបូនបញ្ចូលគ្នា គិតជា ក/គម៖ 154 (កង់ 17 អ៊ីង) 157 (កង់ 18 អ៊ីង)
ថាមពលកើនពី 9.5 ភាគរយ ទៅ 20 kW ដោយបញ្ចេញកម្លាំងច្រើនជាងមុន 22 សេះ
ស៊ីសាំងត្រឹមតែ 6.8 លីត្រក្នុង 100 គមតែប៉ុណ្ណោះ ដែលស្មើនឹងកាបូន 154 ក្រាមក្នុងមួយគីឡូម៉ែត្រ។(ទំហំកង់ 17 អ៉ីញ )
មានទម្ងន់ស្រាលជាងម៉ូដែលស៊េរីមុន 125 គ.ក(បើប្រៀបធៀបជាមួយនឹងម៉ូដែលស៊េរីមុន Audi បានកាត់បន្ថយទម្ងន់រថយន្ត 125 គីឡូក្រាមចេញ ឱ្យនៅសល់តែ 1,720 គីឡូក្រាមប៉ុណ្ណោះ។)

លោក Antoine Jeanson ជានាយកប្រតិបត្តិ Audi Cambodia

លោក Antoine Jeanson ជានាយកប្រតិបត្តិ Audi Cambodia បានឲ្យដឹងថា ក្រុមហ៊ុនដឹងថានឹងត្រូវប្រជែងយ៉ាងណាលើទីផ្សាររថយន្ត ដូច្នេះទើបផលិត Q5 ប្រកបដោយសមត្ថភាពរួមនឹងបច្ចេកវិទ្យាទំនើប Quattro។ Audi សង្ឃឹមយ៉ាងខ្លាំង ចំពោះវត្តមាន Q5 ស៊េរីឆ្នាំ ២០១៧ ទើបដាក់លក់នេះ ព្រោះរូបរាងនិងសមត្ថភាពពិសេសអាចប្រជែងម៉ាកដទៃដោយមិនបារម្ភ។

ដោយឡែករថយន្ដ Audi Q5 នេះក៏ជាត្រកូលរថយន្ត SUV ទំនើបទាន់សម័យ ដែលលក់ដាច់ច្រើនជាងគេនៅកម្ពុជា និងក្នុងពិភពលោកក្នុងរយៈពេលជាច្រើនឆ្នាំ(ជាង ១.៦ លានគ្រឿងទូទាំងពិភពលោក)ផងដែរ៕

តម្លៃដាក់លក់ផ្លូវការ

តម្លៃលក់របស់ Q5 2.0 TFSI Quattro ស៊េរីថ្មីទាំងពីរម៉ូឌែលនេះ គឺមានតម្លៃ 89,800.00 ដុល្លារ។