តិចនិកមើលគ្រប់ Open Windows លើ Mac ក្នុងពេលតែមួយ

2017-09-06 02:37:02
ចំនួនមតិ 0 | ចំនួនចែករំលែក 0

ចន្លោះមិនឃើញ

លើ Mac មានលក្ខណៈងាយស្រួលក្នុងការគ្រប់គ្រងរាល់ Open Windows ដូច្នេះអ្នកអាចឃើញគ្រប់យ៉ាងដែលអ្នកកំពុងធ្វើការ។ នៅទីនេះអ្នកអាចយល់ដឹងពី Mission Control និង Expose ដើម្បីបង្ហាញរាល់ Open Windows សម្រាប់រាល់កម្មវិធីដែលអ្នកបានបើកលើ Mac។ អ្នកប្រហែលជាចង់ដឹងនូវ Shortcut ដើម្បីឃើញរាល់ Windows ឬចង់ឃើញរាល់ Open Windows សម្រាប់កម្មវិធីជាក់លាក់ណាមួយ ដែលអាចពិនិត្យមើលនៅប៉ុន្មានចំណុចខាងក្រោម៖

១. អូសម្រាមដៃបីឡើងលើ នៅលើ Trackpad ឬ Magic Trackpad។

២. ចុចពីរដងលើផ្ទៃរបស់ Magic Mouse ជាមួយនឹងម្រាមដៃពីរ។

៣. ចុច Key F3 លើ Keyboard សម្រាប់បើក Mission Control។

៤. ចុចលើ icon Mission Control ក្នុង Dock ដែលវាមានជ្រុងតូចបីជាមួយពណ៌ចម្រុះ។ ប្រសិនបើអ្នកមិនឃើញក្នុង Dock អ្នកអាចប្រើ Spotlight ស្វែងរក Mission Control ហើយចុច Enter។

៥. អ្នកក៏អាចបង្កើតនូវ Hot corner ផងដែរ ដូចនេះពេលអ្នករំកិល Mouse នៅខាងរបស់អេក្រង់ Mission Control នឹងដំណើរការ។ អ្នកអាចចូលទៅកាន់ System Preferences > Mission Control ដើម្បីបើក Mission Control preferences ហើយជ្រើសរើស Hot corner។

របៀបបង្កើត Keyboard shortcuts សម្រាប់ Mission Control

អ្នកក៏អាចចូលប្រើ Mission Control តាមវិធីផ្ទាល់ខ្លួនផងដែរ ដោយការកំណត់នូវ Swipe gesture ផ្សេងគ្នាលើមុខងារ Multi-Touch trackpad, keyboard shortcut, ប៊ូតុង Mouse ក្នុង Trackpad, Keyboard ឬផ្ទាំង Mouse System Preferences។ ឧទាហរណ៍៖ ចុច Ctrl key ខាងស្ដាំអាចបើកដំណើរការ Expose view ជាដើមដែលអាចអនុវត្តបានតាមរបៀបដូចនេះ៖

១. បើក Mission Control Preferences

២. នៅក្រោម Keyboard និង Mouse shortcuts ជ្រើសរើស Right Control ពី Menu ដែលនៅក្បែរ Mission Control ដើម្បីកំណត់ Key ដែលអ្នកអាចកំណត់ Key ណាមួយក៏បាន ដោយគ្រាន់តែជ្រើសរើសមួយដែលអ្នកមិនប្រើបច្ចុប្បន្ន។

ករណីអ្នកមិនចង់ឃើញបណ្ដុំ Windows ដោយកម្មវិធី អ្នកអាចដោះចេញការជ្រើសរើស Group windows ដោយកម្មវិធីក្នុង Mission Control preference។

របៀបបន្ថែម Mission Control ទៅនឹង Dock

ប្រសិនបើអ្នកចង់បាន Shortcut មួយទៅនឹង Mission Control ក្នុង Dock ប៉ុន្តែអ្នកមិនអាចស្វែងរកឃើញ អ្នកអាចបង្កើតដូចខាងក្រោម៖

១. បើក Finder (ផ្ទាំងសម្រាប់បើក Files ផ្សេងៗ) ២. ចុចលើ Applications ៣. កំណត់ទីតាំងរបស់ Mission Control ៤. អ្នកអាចចុចអូសនូវកម្មវិធីនោះទៅកាន់ Dock

របៀបពិនិត្យមើលរាល់ Windows ដែលបើកសម្រាប់កម្មវិធីជាក់លាក់ណាមួយ

ប្រសិនបើអ្នកមានកម្មវិធីជាច្រើនផ្សេងគ្នាបើក ហើយចង់ផ្ដោតលើកម្មវិធីជាក់លាក់ណាមួយ ដោយគ្រាន់តែមើលនូវ Open windows សម្រាប់កម្មវិធីនោះ អ្នកអាចធ្វើតាមការណែនាំខាងក្រោម៖

១. បើកនូវ Mission Control Preferences

២. នៅក្រោម Keyboard និង Mouse Shortcuts ជ្រើសរើសប្រអប់ នៅក្បែរនឹង Application Window

៣. ជ្រើសរើសរបៀបដែលអ្នកចង់បើកដំណើរការមុខងារនោះ (ឧទាហរណ៍ Right Option ប្រសិនបើអ្នកចង់ចុចលើ Option ឬ Alt key ខាងស្តាំ។

៤. ពេលអ្នកចង់ឃើញរាល់ Open windows សម្រាប់កម្មវិធីជាក់លាក់ណាមួយ អ្នកជ្រើសរើស Window មួយសម្រាប់កម្មវិធីនោះ ហើយបន្ទាប់មកចុចលើ Key ដែលអ្នកបានជ្រើសរើស (ឧទាហរណ៍ Right Option ឬ Alt)។

របៀប Cycle តាមរយៈ Open windows សម្រាប់កម្មវិធីជាក់លាក់

ប្រសិនបើអ្នកចង់ប្ដូរតាមរយៈ Windows ផ្សេងគ្នាសម្រាប់កម្មវិធីជាក់លាក់ណាមួយ Shortcut គឺ Option ឬ Alt ហើយនឹង ` Key (នៅក្បែរនឹង Shift key ខាងឆ្វេង)។

របៀបប្ដូរតាមរយៈកម្មវិធីផ្សេងគ្នាលើ Mac

កំឡុងពេលអ្នកអាចប្តូរកម្មវិធីដោយការប្រើប្រាស់ Expose shortcuts ដែលបានរៀបរាប់ខាងលើ (ការបង្ហាញរាល់ Open Window បន្ទាប់មកជ្រើសរើសមួយដែលអ្នកចង់ធ្វើការលើ)។ អ្នកក៏អាចប្រើប្រាស់វិធីផ្សេងៗទៀតបានរហ័សផងដែរ ដោយចុចលើ Command + Tab ដើម្បីឃើញនូវរាល់កម្មវិធីដែលអ្នកបើក ឬ Command + Shift + Tab ដើម្បី Cycle តាមកម្មវិធីដែលបើកលើ Mac៕