Mbappe សន្យាថា នឹងជួយ Neymar ឈ្នះពាន Ballon D'or
- 2017-09-07 11:38:24
- ចំនួនមតិ 0 | ចំនួនចែករំលែក 0
Mbappe សន្យាថា នឹងជួយ Neymar ឈ្នះពាន Ballon D'or
ចន្លោះមិនឃើញ
កីឡាកចំណូលថ្មីរបស់ក្លឹបមហាសេដ្ឋី PSG ខ្សែប្រយុទ្ធ Kylian Mbappe បានបង្ហាញពីបំណងរបស់ខ្លួនចង់ជួយមិត្តរួមក្រុម Neymar ក្នុងការឈ្នះពានកីឡាករបាល់ទាត់ល្អជាងគេលើលោក Ballon D'or។
ពេលដែលសួរថាខ្លួនមានគិតថាចង់ឈ្នះពាន Ballon D'or ឬអត់? ខ្សែប្រយុទ្ធវ័យ១៨ឆ្នាំបានឆ្លើយទៅកាន់សារព័ត៌មានវិញថា៖ "ទេ! ខ្ញុំមានមិត្តរួមក្រុមដែលអាចឈ្នះពាននេះហើយ។ ដូច្នេះ គោលដៅរបស់ខ្ញុំផ្ទាល់គឺស៊ុតបញ្ចូលទីឲ្យបានច្រើនគ្រាប់ ហើយជួយ Neymar "។ អតីតកីឡាករ Monaco បានបន្តទៀតថា៖ "ខ្ញុំនឹងព្យាយាមគ្រប់បែបយ៉ាងដើម្បីជួយ Neymar ឲ្យបានឈ្នះពាន Ballon D'or។ ខ្ញុំនឹងសប្បាយចិត្ត បើសិនជាខ្ញុំជួយគេបានពិតមែន"។
Mbappe បានចូលរួមជាមួយក្លឹប PSG នៅថ្ងៃចុងក្រោយនៃទីផ្សារដោះដូរកីឡាករ ក្នុងនាមជាកីឡាករខ្ចីជើងនារដូវកាលនេះ ហើយក្លឹបអ្នកមាន PSG នឹងទិញកីឡាកររូបនេះជាផ្លូវការពីក្លឹប Monaco នារដូវកាលក្រោយក្នុងតម្លៃ ១៨០លានអឺរ៉ូ។ ខ្សែប្រយុទ្ធបារាំងនេះត្រូវបានគេរំពឹងទុកថា នឹងចាប់ដៃគូបានល្អជាមួយ Neymarដែលជាកីឡាករថ្លៃបំផុតក្នុងកំណត់ត្រាបាល់ទាត់ និងខ្សែប្រយុទ្ធសញ្ជាតិអ៊ុយរុយហ្គាយ Edison Cavani ក្នុងប្រព័ន្ធប្រយុទ្ធរបស់ក្លឹបមហាសេដ្ឋី PSG ក្នុងរដូវកាលថ្មីនេះ៕