Google ឈានដល់ទឹកចុងក្រោយលើការចរចា ទិញក្រុមហ៊ុន HTC
- 2017-09-08 02:25:57
- ចំនួនមតិ 0 | ចំនួនចែករំលែក 0
Google ឈានដល់ទឹកចុងក្រោយលើការចរចា ទិញក្រុមហ៊ុន HTC
ចន្លោះមិនឃើញ
កាលពីចុងខែសីហាកន្លងទៅ មានការលេចឮដំណឹងថា HTC ចង់លក់មួយផ្នែកតូច ឬ គ្រប់ផ្នែកទាំងអស់នៃជំនួញរបស់ខ្លួន ដែលមានដូចជាជំនួញផលិតទូរសព្ទ និង ជំនួញ VR ជាដើម។
ស្របនឹងដំណឹងខាងលើ ពេលនេះមានការរាយការណ៍ថ្មីមួយចុះផ្សាយដោយសារព័ត៌មានជាភាសាចិន Commercial Times ថា HTC កំពុងស្ថិតនៅក្នុងដំណាក់កាលចុងក្រោយនៃកិច្ចចរចាលើការលក់ជំនួញរបស់ខ្លួនទៅឲ្យក្រុមហ៊ុនយក្ស Google។ យោងតាមប្រភពដដែលឲ្យដឹងទៀតថា Google កំពុងពិចារណាលើជម្រើសពីរ ទីមួយធ្វើជាដៃគូយុទ្ធសាស្ត្រជាមួយ HTC និង ទីពីរទិញយកជំនួញផលិតស្មាតហ្វូនរបស់ HTC ទាំងមូល។ យ៉ាងណាក្ដីជំនួញផលិត VR របស់ HTC មិនបាននៅលើតុចរចាឡើង ដោយវានឹងស្ថិតនៅដោយឡែកពី Google។
គួររំលឹកថា HTC និង Google ធ្លាប់ជាដៃគូសហការគ្នាដ៏ល្អលើការផលិត Google Pixel/Pixel XLដែលចេញឆ្នាំមុន ហើយបានបន្តសហការគ្នាលើការផលិត Google Pixel 2 ដែលនឹងចេញនៅចុងឆ្នាំនេះផងដែរ៕