ជិះយន្តហោះឆ្លងទ្វីបទៅលក់អាហារ កើបលុយរាប់ម៉ឺនដុល្លារពីជនជាតិខ្លួន

2017-09-08 07:15:15
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិចិនម្នាក់ បានចែករំលែកបទពិសោធន៍ពីអាជីវកម្មផ្ទាល់ខ្លួនដែលរកចំណូលបានរាប់ម៉ឺនដុល្លារក្នុងមួយខែៗដោយលក់ម្ហូបអាហារនៅប្រទេសមួយក្នុងទ្វីបអាហ្វ្រិក។

លោក Wang Luping អាយុជាង៣០ឆ្នាំ មានស្រុកកំណើតនៅខេត្តជេជាំង ប្រទេសចិន អាចរកចំណូលបានជាង ១៥ម៉ឺនដុល្លារក្នុងមួយខែតាមរយៈរបរបើកភោជនីយដ្ឋានចិនក្នុងប្រទេសម៉ារ៉ុក សម្រាប់បម្រើដល់អ្នកទេសចរចិនទៅលេងនៅទីនោះ។

យោងទៅតាមសារព័ត៌មានចិន China News បានរាយការណ៍ថា ពេលលោក Wang Luping ទៅដល់ប្រទេសម៉ារ៉ុកដំបូង មានទេសចរចិនក្រោម ១ ០០០នាក់ប៉ុណ្ណោះ។ ប៉ុន្តែចំនួនអ្នកទេសចរកើនឡើងយ៉ាងគំហុក ចាប់តាំងពីប្រទេសម៉ារ៉ុក ចាប់ផ្ដើមអនុញ្ញាតឲ្យអ្នកទេសចរចិន ចូលប្រទេសដោយមិនចាំបាច់ទិដ្ឋាការ (វីសា) កាលពីខែមិថុនា ឆ្នាំ ២០១៦។

លោក Wang បានបើកភោជនីយដ្ឋានមួយបម្រើម្ហូបចិនបែបអ្នកស្រុក ស៊ីឈួន ដល់អ្នកទេសចរជនជាតិខ្លួន ព្រោះពួកគេពិបាកនឹងបន្សាំជាមួយអាហារអ្នកស្រុកម៉ារ៉ុក។ លោកបានរៀបចំតុបតែងហាងបែបប្រពៃណីចិន និងដាក់ឈ្មោះហាង Great Wall មានន័យថាមហាកំផែងទៀតផង។ ចំណូលពីភោជនីយដ្ឋានជួយឲ្យគាត់រកចំណូលប្រចាំខែជាង ១៥ម៉ឺនដុល្លារឯណោះ៕