លោកប្រធានាធិបតីអាមេរិក Trump ធ្លាប់ចូលស៊ប់ក្នុងកីឡា៥ប្រភេទនេះ
- 2017-09-09 00:16:00
- ចំនួនមតិ 0 | ចំនួនចែករំលែក 0
លោកប្រធានាធិបតីអាមេរិក Trump ធ្លាប់ចូលស៊ប់ក្នុងកីឡា៥ប្រភេទនេះ
ចន្លោះមិនឃើញ
លោក Donald Trump មុនឡើងកាន់តំណែងប្រធានាធិបតីអាមេរិកធ្លាប់ចូលប្រឡូកក្នុងវិស័យកីឡាជាច្រើនទាំងដោយសារពាក់ព័ន្ធនឹងអាជីវកម្ម ក៏ដូចជាចំណង់ចំណូលចិត្តរបស់លោក។ ថ្ងៃនេះ Sabay សូមបង្ហាញកីឡា៥ប្រភេទដែលលោកប្រធានាធិបតីអាមេរិករូបនេះធ្លាប់ចូលស៊ុបដែលយោងប្រភពwikipedia។
១-កីឡាវាយកូនគោល លោកបានបើកទីលានវាយកូនគោល និងរមណីយដ្ឋានជាតិនៅសហរដ្ឋអាមេរិក ព្រមទាំងបណ្តាប្រទេសផ្សេងៗជុំវិញពិភពលោក។ យើងតាមសារព័ត៌មាន Golfweek ថា លោកប្រធានាធិបតី Trump ជាម្ចាស់ ឬគ្រប់គ្រងទីលានវាយកូនគោលចំនួន១៨កន្លែង។
ប្រភពជិតស្និទ្ធបានឲ្យដឹងថា ទីលានវាយកូនគោល និងរមណីយដ្ឋានរបស់លោកកើបប្រាក់ចំណូលបានប្រមាណ៣៨២លានដុល្លារអាមេរិកកាលពីឆ្នាំ២០១៥ ប៉ុន្តែទីលានវាយកូនគោល៣កន្លែងនៅតំបន់អឺរ៉ុបមិនត្រូវបានគេបង្ហាញឡើយ។
២-កីឡាបាល់ទាត់ ក្រៅពីជំនួយផ្នែកកីឡាវាយកូនហ្គោល លោកប្រធានាធិបតីរូបនេះក៏បានធ្វើជំនួយលើផ្នែកបាល់ទាត់ដែរ។ កាលពីខែកញ្ញា ឆ្នាំ១៩៨៣ លោកបានទិញក្លឹបបាល់ទាត់ New Jersey Generals ដែលលេងនៅក្របខណ្ឌ United States Football League (USFL)របស់សហរដ្ឋអាមេរិក។ យ៉ាងណា ក្លឹបនេះបានបិទ បន្ទាប់ពីលេងបាន៣រដូវកាលដោយសារវិបត្តិហិរញ្ញវត្ថុ។
៣-កីឡាប្រដាល់សកល ពាក់ព័ន្ធនឹងកីឡាប្រដាល់ លោកប្រធានាធិបតីអាមេរិក Trump ធ្លាប់រៀបចំការប្រកួតប្រដាល់សកលលក្ខណៈអន្តរជាតិជាច្រើន។ ក្នុងនោះលោកបានរៀបចំការប្រកួតដណ្តើមខ្សែក្រវាត់ទម្ងន់ធ្ងន់កាលពីឆ្នាំ១៩៨៨រវាងកំពូលអ្នកប្រដាល់ Mike Tyson និងជើងខ្លាំង Michael Spinks។ លោកក៏ធ្លាប់ធ្វើជាទីប្រឹក្សាផ្នែកហិរញ្ញវត្ថុឲ្យកំពូលអ្នកប្រដាល់ Mike Tyson ផងដែរ
៤-កីឡាប្រណាំងកង់ នៅចាំបានថា ឆ្នាំ១៩៨៩ និង១៩៩០ លោក Trump បានឲ្យគេដាក់ឈ្មោះរបស់លោកសម្រាប់ការប្រណាំងកង់ Tour de Trump ដែលមានគោលដៅបង្កើតព្រឹត្តិការណ៍ប្រណាំងនៅអាមេរិកឲ្យល្បីល្បាញដូចព្រឹត្តិការណ៍ប្រណាំងអន្តរជាតិផ្សេងៗទៀត។
៥-កីឡាកាស តាមពិតទៅលោក Trump ជាអ្នកស្រលាញ់កីឡាកាសបំផុត។ ឆ្នាំ១៩៨៨-៨៩ លោកធ្លាប់រៀបចំព្រឹត្តិការណ៍កីឡាកាស WrestleMania IV និង V នៅ Boardwalk Hall។ លោកបានចូលរួមក្នុងកម្មវិធីប្រកួតកីឡាជាច្រើនទៀត។ លោកលេចមុខក្នុងព្រឹត្តិការណ៍ WrestleMania 23 ដែលមានឈ្មោះថា "The Battle of the Billionaires"។
អ្វីដែលគួរឲ្យចាប់អារម្មណ៍ពេលនោះ លោកបានភ្នាល់គ្នាជាមួយលោក Vince McMahon ថា នរណាចាញ់ អ្នកនោះជាអ្នកកោរត្រងោលសម្រាប់ការប្រកួតរវាងអ្នកកីឡាកាស Bobby Lashley និង Umaga។ ពេលនោះលោក Trump នៅខាងកីឡាករ Bobby Lashley ខណៈ Vince McMahon នៅខាង Umaga។ ពេលនោះ លោក Trump ជាអ្នកឈ្នះ ហើយ Vince McMahon បានកោរត្រងោល៕
ក្រៅពីរកពាក់ព័ន្ធនឹងកីឡាខាងលើ លោកក៏ចូលលេងកីឡាជាច្រើនទៀតដែរ។ កីឡាដែលលោកចូលចិត្តលេងដូចជាកីឡាបាល់បោះ កីឡាបាល់ទះលើឆ្នេរខ្សាច់ កីឡាវាយកូនបាល់ កីឡានិងប៊ែលបល់៕