Youtube លែងធ្វើជាអ្នកនាំពាក្យឲ្យក្រុងព្យុងយ៉ាងទៀតហើយ
- 2017-09-10 08:02:34
- ចំនួនមតិ 0 | ចំនួនចែករំលែក 0
Youtube លែងធ្វើជាអ្នកនាំពាក្យឲ្យក្រុងព្យុងយ៉ាងទៀតហើយ
ចន្លោះមិនឃើញ
YouTube បានកាត់ផ្តាច់គណនី ដែលគ្រប់គ្រង ដោយប្រព័ន្ធឃោសនារដ្ឋរបស់កូរ៉េខាងជើង ខណៈដែលសហរដ្ឋអាមេរិកព្យាយាមដាក់ទណ្ឌកម្មកាន់តែតឹងរឹងជាងមុនបន្ទាប់ពីទីក្រុងព្យុងយ៉ាង នៅតែបន្តធ្វើតេស្តនុយក្លេអ៊ែរ និង គ្រាប់មីស៊ីល កាលពីពេលថ្មីៗនេះ។ បើតាម Channel News Asia ចុះផ្សាយយប់មិញ។
គណនីមានឈ្មោះថា Uriminzokkiri ដែលតែងបង្ហោះវីដេអូអួតពីកម្មវិធីនុយក្លេអ៊ែរនិងសរសើរលើកជើងមេដឹកនាំ គីម ជុងអ៊ុន ត្រូវបាន YouTube បិទចោលកាលពីថ្ងៃទី ៩ កញ្ញា ម្សិលមិញ។
YouTubeមិនបានបញ្ជាក់អំពីមូលហេតុដែលគណនីនោះត្រូវបានបិទ ឬ បិទរយៈពេលប៉ុណ្ណានោះទេ ប៉ុន្តែត្រូវបានរាយការណ៍ថា មកពី content របស់វាបានរំលោភលក្ខខ័ណ្ឌYouTube។
កាលពីខែមុន Uriminzokkiri បានបង្ហោះវីដេអូមួយ អំពីកូនប្រុសពីរនាក់របស់អតីតទាហានអាមេរិក។ពួកគេបាននិយាយថាឪពុកគេគឺជាទាហានអាមេរិកតែម្នាក់គត់ ដែលត្រូវបានគេទទួលស្គាល់នៅកូរ៉េខាងជើង បន្ទាប់លោកបានធ្វើខុសកាលពីជាង ៥ ទសវត្សរ៍មុន និង ទើបស្លាប់កាលពីឆ្នាំទៅដោយបានបូជាភក្ដីភាពចំពោះ មេដឹកនាំដ៏អស្ចារ្យ "គីម ជុងអ៊ុន"។
នៅខែវិច្ឆិកាឆ្នាំ២០១៦ Youtube ដែលជាបណ្តាញសង្គមវីដេអូ ដ៏មានប្រជាប្រិយភាពមួយនេះក៏បានសម្រេចចិត្តបិទគណនីរបស់ទូរទស្សន៍រដ្ឋជាច្រើនរួមមាន៖ Korean Central TV1, Chosun TV, ទូរទស្សន៍លើកជើង NK, និងទូរទស្សន៍ខ្សែកាបKCTV ជាដើម៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
