ផ្ទះប្រណីតរបស់មហាសេដ្ឋីពិភពលោកម្នាក់ ត្រូវព្យុះកំណាច Irma កម្ទេចហ្មត់គ្មានសល់
- 2017-09-11 07:03:29
- ចំនួនមតិ 0 | ចំនួនចែករំលែក 0
ផ្ទះប្រណីតរបស់មហាសេដ្ឋីពិភពលោកម្នាក់ ត្រូវព្យុះកំណាច Irma កម្ទេចហ្មត់គ្មានសល់
ចន្លោះមិនឃើញ
នៅថ្ងៃច័ន្ទ ទី១១នេះ មហាសេដ្ឋីអង់គ្លេស លោក Richard Branson បានបង្ហាញឲ្យឃើញនូវទំហំនៃការបំផ្លិចបំផ្លាញ ដល់ផ្ទះប្រណីតលើកោះ Necker Island របស់ខ្លួន បន្ទាប់ពីមានការវាយប្រហារពីខ្យល់ព្យុះកំណាច Irma កាលពីថ្ងៃអាទិត្យម្សិលមិញនេះ។
សហគ្រិនវ័យ ៦៧ ឆ្នាំរូបនេះ បានបង្ហោះវីដេអូមួយខ្សែ នៅលើបណ្ដាញសង្គម ដោយបង្ហាញថា ខ្យល់ព្យុះបានបំផ្លិចបំផ្លាញផ្ទះរបស់លោកខ្ទេចគ្មានសល់ ដោយអគារ និងដើមឈើជាច្រើនបានដួលរលំបាក់បែក។
គួរឲ្យដឹងថា ម្ចាស់ក្រុមហ៊ុន Virgin Group ដែលមានទ្រព្យសម្បត្តិប្រមាណជា ៥ ពាន់លានដុល្លារ (យោងតាមគេហទំព័រ Forbes ឆ្នាំ២០១៧) ខាងលើ បានចាក់សោខ្លួនឯងនៅក្នុងបន្ទប់ក្រោមដី ខណៈពេលដែលខ្យល់ព្យុះកំណាច មានកម្លាំងខ្លាំងបំផុតមួយនេះ វាយប្រហារផ្ទះរបស់ខ្លួន។ គួរបញ្ជាក់ឲ្យដឹងដែរថា ខ្យល់ព្យុះកំណាច Irma បានចាប់ផ្ដើមវាយប្រហារមហាសមុទ្រអាត្លង់ទិច តាំងពីថ្ងៃពុធសប្ដាហ៍មុនមកម្ល៉េះ៕
ចុចអាន៖