តាមពិត តួព្រះរាមនិងនាងសីតា នៅក្រៅសាច់រឿងមានទំនាក់ទំនងបែបហ្នឹងសោះ

2017-09-12 04:37:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តប្រាកដជានៅចាំមិនទាន់ភ្លេចទេ រឿង «រាមកេរ្តិ៍» ភាពយន្តភាគរបស់ឥណ្ឌា ដែលផលិតកាលពីឆ្នាំ ២០០៨ ដែលផ្ទុះការគាំទ្រមិនធម្មតា រហូតមកដល់ប្រទេសកម្ពុជាទៀត។

ក្រៅពីសាច់រឿងដ៏ជក់ចិត្ត រឿងនេះក៏មានតួអង្គសុទ្ធតែស្រស់សង្ហា និងស្អាតៗ ផងដែរ។ តួយ៉ាងដូចជាតួ "ព្រះរាម” ដែលសម្ដែងដោយ តារាប្រុស Gurmeet Choudhary និងតួ "នាងសីតា" សម្ដែងដោយតារាស្រី Debina Bonnerjee ព្រមទាំងតួអង្គចាស់ក្មេងជាច្រើនទៀត។

តួ ព្រះរាម និងនាងសីតា

បើតាមចំណាប់អារម្មណ៍ទស្សនិកជនដែលតាមដានរឿងនេះ មានការកត់សម្គាល់ឃើញថាតួសម្ដែងធំៗទាំង ២ (ព្រះរាម និងនាងសីតា) ពិតជាសម្ដែងបានល្អ និងសមគ្នាជាខ្លាំង ហើយអ្នកគាំទ្រជាច្រើនតែងគិតថា បើសិន អ្នកទាំង២ជាគូស្នេហ៍ពិតប្រាកដ ក្នុងជិវិតពិតវិញ មិនដឹងជាល្អយ៉ាងណាទេ។ ជាក់ស្ដែងអ្វីៗ កើតឡើងសុទ្ធតែកើតចេញពីនិស្ស័យ តាមពិតពួកគេ មានចិត្តលើគ្នាយូរហើយ គ្រាន់តែមិនទាន់បង្ហាញចេញរៀងៗខ្លួន រហូតឱកាសមាស ឱកាសពេជ្រហុចឲ្យ គឺត្រូវសម្ដែងក្នុងរឿង «រាមកេរ្តិ៍» រួមគ្នាទៀត កាន់តែធ្វឲ្យអារម្មណ៍ស្នេហាពុះកញ្ជ្រោលខ្លាំងឡើងៗ ទើបពួកគេចាប់ផ្ដើមទាក់ទងគ្នា និងឈានដល់ថ្ងៃរៀបការតែម្ដង។

គូស្នេហ៍ទាំង ២ក្នុងថ្ងៃរៀបអាពាហ៍ពិពាហ៍

យ៉ាងណាមិញ Gurmeet និង Debina បានកាន់ដៃគ្នាចូលរោងការនៅខែកុម្ភៈ ឆ្នាំ២០១១ ពោលគឺ ២ឆ្នាំ ក្រោយពួកគេចាប់ផ្ដើមទាក់ទងគ្នា។ ដូចនេះសរុបសេចក្ដីមក មានន័យថា បំណងប្រាថ្នាទស្សនិកជន គឺបានសម្រេចហើយ។

មកទល់ពេលនេះ គូស្នេហ៍ទាំង ២បានរួមរស់ សាងសុភមង្គលជាមួយគ្នាអស់រយៈពេលជាង ៦ឆ្នាំហើយ។ ប្ដីប្រពន្ធមួយគូនេះ ក៏ត្រូវមហាជនចាត់ទុកថា ជាគូស្នេហ៍គំរូមួយដែរ ក្នុងចង្កោមសិល្បៈឥណ្ឌា ព្រោះពួកគេតែងយល់ពីគ្នា ផ្ដល់ការលើកទឹកចិត្ត និងកម្រឃើញអ្នកប្ដីប្រពន្ធគូនេះ មានរឿងរ៉ាវល្អក់កករណាស់៕