មិនធម្មតា! រៀបការម្ដង ៤ ០០០គូ ដ៏កម្របានឃើញ

2017-09-12 04:40:55
ចំនួនមតិ 0 | ចំនួនចែករំលែក 0

ចន្លោះមិនឃើញ

គូស្នេហ៍ជាង ៤ ០០០គូមកពី ៦៤ប្រទេសបានធ្វើពិធីរៀបការរួមគ្នាទ្រង់ទ្រាយធំកាលពីថ្ងៃព្រហស្បតិ៍សប្ដាហ៍ដែលរៀបចំឡើងដោយវិហារគ្រិស្ដ Unification Church នៅកូរ៉េខាងត្បូង។

ក្រៅពីគូស្នេហ៍ចូលរួមដោយផ្ទាល់នៅមានគូស្នេហ៍ចូលរួមរៀបអាពាហ៍ពិពាហ៍ដោយប្រយោលចំនួន ២០ ០០០គូទៀតមកពីជុំវិញពិភពលោកតាមរយៈអ៊ីនធឺណិត។ ពិធីដ៏អធិកអធមនេះប្រារព្ធធ្វើនៅមជ្ឈមណ្ឌលសន្តិភាពពិភពលោកជឺងស៊ីម នៅស្រុកកាផ្យ៉ងយ៉ក ខេត្តខ្យ៉ងគី។

វិហារបានធ្វើការផ្គូផ្គងគូស្នេហ៍ដោយអនុវត្តតាមគម្ពីររបស់ស្ថាបនិកវិហារលោក Moon ដែលបានលាចាកលោកកាលពីឆ្នាំ ២០១២នៅអាយុ ៩២ឆ្នាំ។

វិហារ Unification Church បានបង្កើតឡើងនៅឆ្នាំ ១៩៥៤ ហើយគេមានជំនឿថាជាកន្លែងបង្កើតគ្រួសារពិតប្រាកដមិនប្រកាន់សញ្ជាតិ និងពណ៌សម្បុរ។

ការរៀបចំអាពាហ៍ពិពាហ៍ជាក្រុមលើកដំបូងនៅវិហារធ្វើឡើងក្នុងឆ្នាំ ១៩៦១ ចំនួន ៣៦គូ និងហើយការរៀបការគួរឲ្យភ្ញាក់ផ្អើលមួយទៀតគឺនៅឆ្នាំ ១៩៨៨ ចំនួន ៦ ៥១៦គូ រវាងជនជាតិកូរ៉េ និងជប៉ុនដែលជាកិច្ចខិតខំប្រឹងប្រែងបង្រួបបង្រួមរវាងប្រទេសទាំងពីរ៕